Paul Günter
Dr Paul Günter (* 30. Mai 1943 z Bärn; † 10. Jänner 2024 au dert; haimetberächtigt z Aarwange) isch e Schwyzer Bolitiker (LdU, SP) gsii.
Lääbe ändere
No dr Matura het er Medizin an dr Uniwersitet Bärn studiert un 1969 mit em Staatsexame abgschlosse.[1] Dr Günter isch vu 1975 bis zum Yydritt in Ruestand Ändi 2006 Schefdokter fir Aneschtesy im Spital Inderlache gsii.
Vu 1972 bis 1979 isch er fir dr LdU Grossroot vum Kanton Bärn gsii, 1974 au Mitgliid vum Grooße Gmairoot vu Köniz. Vu 1979 bis 1991 isch er Nazionalroot fir dr LdU gsii. Wun er anne 1991 nimi widergwehlt woren isch, isch er us em Landesring uusdrätte. Vu dr Wahle 1995 bis 2007 isch er druf SP-Nazionalroot gsii. Dr Günter isch derzue Mitgrinder, Verwaltigsrootsbresidänt un Bresidänt vum Feerderverain vu Radio BeO gsii.[2] Vu 1992 bis 2000 isch er Bresidänt vum Gwäärschaftsbund Inderlache un vu 1993 bis 2000 Bresidänt vu dr IG Velo Schwyz gsii.
Är isch ghyroote gsii, isch Vater vu segs Chinder gsii un het z Därlige gwohnt.
Weblink ändere
- Websyte vum Paul Günter
- Paul Günter uf dr Websyte vo dr Bundesversammlig
- Politprofil von Paul Günter (Abstimmungsverhalten im Nationalrat, 46. Legislatur, 1999–2003) (Memento vom 19. Juni 2013 im Webarchiv archive.is)
Fueßnote ändere
- ↑ Berner Oberländer 2006 (Memento vom 4. März 2016 im Internet Archive) (PDF; 939 kB)
- ↑ Alt-Nationalrat, Chefarzt und Radio-BeO-Gründer Paul Günter ist verstorben. In: radiobeo.ch. 12. Januar 2024, abgruefen am 12. Januar 2024.