Étienne

Étienne isch de Künschtlername vom kanadische Musiker Steven Douglas Langlois, won am 28. Hornig 1971 gebore worden isch. Er isch vor alem bekannt für sini Lieder won im Schuelunterricht de Chinde bim Lärne hälfed. Er häd nöd nume z Kanada, sondern au i de Vereinigte Staate, z China, z Neuseeland und z Australie Konzärt gee. Hüt schaffet er als Sekundarlehrer z Kanada.

Étienne
de Étienne im 2018i
Date
Geburtsname	Steven Langlois
Uf d Wält cho	28. Hornig 1971 Windsor, Ontario, Kanada
Genre	Rock, Pop, Hip-Hop, Elektronik
Beschäftigung	Singer, recording artist, Produzänt
Instrument	Stimm, Klavier, Kibord, Gitarre, Schlagzüg
Aktiv	1993–hüt
Label	Warner Music Canada
Het gspiilt mit	DJ DELF, Roland Bibeau, Nous

De Steven Douglas Langlois isch z Windsor, Ontario uf d Wält cho und ufgwachse. Zum Sänger isch er zufelig worde. Won er im Lehrerseminar gsi isch, häd er für sich Lärnlieder gschribe und 1994 e paar devo emal a paar Kollege vorgsunge. Die sind begeischtered devo gsi. Sin Künschtlername Étienne isch nume di Französisch Übersetzig vo sim Vorname. Bekannti Lehrmittelverläg häd Lieder vo im i iri Schuelbüecher ufgna, zum Bischpil Thomson Nelson, Oxford University Press, Pearson Education, Prentice Hall, Ginn, Gage Canada, Xpresslab oder Forlag Malling Beck. Sini Musigstil sind Rock, Pop, Hip-Hop, Elektronik.