(50000) Quaoar

Dä Artikel beschäftigt sich mit de mythische Gstalt Quaoar, anderi Bedütige vu dem Begriff findener under Quaoar

(50000) Quaoar isch dr Namme vume Transneptunische Objekt im Kuipergürtel. Bevor er dr Namme Quaoar erhalde het, isch er under dr vorläufige Bezeichnig 2002 LM₆₀ gfüehrt worre. Entdeckt worre isch dr Asteroid am 4. Juni 2002 vu dr Astronome Chad Trujillo un Mike Brown am California Institute of Technology z'Pasadena, USA wo ihn au daift hän. Dr Namme Quaoar (gsproche „kwah-o-wahr“) entstammt im Schöpfigsmythos vu dr nordamerikanische Tongva-Indianer, wo in dr Gegend um Los Angeles läbe. Die Internationale Astronomische Union (IAU) het die Nammensgäbig middlerwili offiziell bestätigt.

(50000) Quaoar

Eigeschafte vum Orbit
Orbittyp	Kuipergürtel-Objekt
Grossi Halbax	43,405 AE
Perihel; Aphel	41,914; 44,896 AE
Exzentrizität	0,034
Neigig vu dr Bahnebeni	7,983 °
Siderischi Umlaufzitt	285 a 354 d 7 h
Middleri Bahngschwindigkeit	4,52 km/s km/s
Physikalischi Eigeschafte
Durmesser	890 ± 70 km
Masse	1,3-1,9×10²¹ kg
Middleri Dichti	4,2 ± 1,3 g/cm³
Rotationsperiode
Albedo	0,10
Absoluti Helligkeit	2,613
Spektralklasse
Gschichte
Entdecker	Chad Trujillo, Mike Brown
Datum vu dr Entdeckig	4. Juni 2002
Älderi Bezeichnig	2002 LM₆₀

Dialäkt: Markgräflerisch (Ebringe)

Dr Quaaor entspricht alle Kriterie vu dr Kategori Zwergplanet in dr am 24. August 2006 vu dr Internationale Astronomische Union verabschidete nöie Systematik vu dr Himmelskörper im Sunnesystem. Allerdings isch dert noch dr Systematisierigsprozess no nit agloffe.

Eigeschafte

Im Quaoar si Durmesser isch afänglich uf 1250 ± 50 km bestimmt worre. Dömit het er, bis zue dr Entdeckig vum (90482) Orcus un vu dr (90377) Sedna, s'gröscht sitem Pluto entdeckt Objekt im Sunnesystem gulte. Middlerwil isch, nit z'ledscht wäge dr Entdeckig vu eme Mond, dr Durmesser uf guet 900 km korrigiert worre, was in dr Grössi vum Zwergplanet Ceres entspräch. Wäge dr höchere Dichti isch dr Quaoar aber massiver wie dr Zwergplanet Nummer 1. Dr Quaoar umchreist d'Sunne in ere fast perfekte Chreisbahn in öppe 6 Milliarde Kilometer Entfernig (43 AE; Perihel 41,914 AE - Aphel 44,896 AE), wo 7,983° gege d'Ekliptik gnaigt isch. D'Umlaufdur betrait öppe 286 Johre.

Mond

Im Februar 2007 het e Team um dr Mike Brown d'Entdeckig vu eme Mo mit chnapp 100 km Durchmesser bekannt gä, wo uf 2006 erstellte Ufnahme entdeckt worre sei. Sälle Mond het middlerwil uf dr Namme Weywot daift (in Langform: Weywot (Quaoar I).^[1]

Gschichte

Dr Asteroid isch scho anno 1982 vum Astronom Charles Kowal photographiert, aber nit als soniger identifiziert worre.

Im Dezember 2004 isch mit em japanische 8-m-Teleskop Subaru dr Noochwiis vu kristallinem Wasseriis un au Ammoniakhydrat in dr Oberflächi vum Quaoar glunge. Säll isch sehr iberraschend, wil mer bi ere Oberflächetemperatur vu 50 Kelvin eigentlich bloss amorphs Iis ohni Kristallstruktur vermuete dät. Es sin Temperature bis zue 110 Kelvin notwendig, um dr Prozess z'erchläre. Numme wird vermuetet, dass sich im Innere vu Quaoar noch gnüegend Radioaktivitätswärmi befindet, um die Temperature z'erzüge. Es entstot debi e Art Kryovulkanismus, wie au uffem Triton oder Enceladus.

Sichtbarkait

Amateurastronome benötige fer d'Beobachtig die gnaue Koordinate, e 40-Zentimeter-Teleskop sowie fer d'Dokumentation e Kamera. Uf Ufnahme vu hinderenander folgende Nächte isch dr Asteroid as e langsam wandernde Punkt z'erchenne.

Suschtigs

Einigi Fans vum Roman Per Anhalter dur d'Galaxis hän sich vergäblich defür igsetzt, de domols noch as 2002 LM₆₀ bekannt Himmelskörper Rupert z'nenne, as Hommage an dr Douglas Adams, dr Autor vum Buech (Im Roman isch Rupert de Spitznamme fer de fiktive 10. Planet Persephone).

Lueg au

Weblink/Quelle

Eisige Welt am Rande des Sonnensystems Artikel bi Astronews.com
Quaoar-FAQ auf der Homepage eines der Entdecker (Englisch)
Bericht in Nature über Wassereis (Englisch)

Dä Artikel basiert uff ere fräie Übersetzig vum Artikel „(50000)_Quaoar“ vu de dütsche Wikipedia. E Liste vu de Autore un Versione isch do z finde.

[1]

Search