Amy Macdonald
D Amy Macdonald (* 25. Augschte 1987 z Bishopbriggs) isch e schottischi Sängeri un Songschryyberi.
| Amy Macdonald | |
|---|---|
 D Amy Macdonald, 2013 | |
| Date | |
| Geburtsname | Amy Macdonald |
| Uf d Wält cho | 25.08.1987 |
| Härkumft | Bishopbriggs, Scotland, UK |
| Genre | Rock |
| Beschäftigung | Sängeri, Songschryyberi, Musikeri |
| Instrument | Vocals, Gitarre |
| Aktiv | 2007–hit |
| Label | Vertigo |
| Website | www.amymacdonald.co.uk |
_jm37085.jpg)
Läbe
Im Alter vu zwelf Johr het d Macdonald – unter anderem vu dr Rockband Travis beyyflusst – aagfange Akuschtikgitarre z spiile. E Schlisselerläbnis fir ihri Karriere heißt si ne Ufdritt vum Pete Doherty z Glasgow gsi:
„S isch e super Show gsi. […] E baar Fryynd un ich hän nocher d Gittare umegoh loo un hän spontant Lieder gspiilt, wu uns gfalle hän. Do han i gwisst, ass ich e Musikeri will gee.“
Im Juli 2007 het d Autodidakti Macdonald mit em Titel Mr Rock & Roll scho ne Achtigserfolg z Großbritannie gha (Blatz 12 vu dr UK Top 40). Im Spotjohr het si dr Paul Weller uf syyre Dytschland-Turnee begleitet.[2] Mit ihre Debütalbum This Is the Life isch si aafangs 2008 uf Blatz 1 vu dr UK-Charts chuu un het mittlerwyyli Zweifach-Platin-Status derfir iberchuu. D Single This Is the Life isch z ganz Europa seli erfolgryych gsi un isch 1.254.000 Mol verchauft wore[3] Mal.
D Ufnahme fir s zweit Album A Curious Thing hän im Black Barn Studio vum Paul Weller stattgfunde.[4] S Album isch am 12. März 2010 erschine.[5] D Vorabsingle Don't Tell Me That It's Over isch Ändi Februar erschine. S Album het glyy uf em erschte Blatz vu dr dytsche, dr eschtryychische und dr schwyzerische Albumchart debütiert un het z Dytschland no vor em Chartyydritt Gold-Status iberchuu. In dr Schwyz un z Dytschland het s Album e Platin-Uuszeichnig iberchuu.[6][7]
Im Zug vu ihre Europa-Tour 2010 isch d Amy Macdonald bim Wiener Donauinselfescht vor iber 30.000 Bsuecher ufdrätte.[8]
Liedtext
D Macdonald het in Interview gsait, ihri Text dieje uf Situatione un Ereignis vum ächte Läbe basiere.[4]
Ihre Lied Footballer's Wife diej d Bsässeheit vu britische Bulevardzytige widerspiegle, derwylscht Poison Prince d Drogeabhängigkeit vum Doherty[9] thematisiert. Ihre Song Barrowland Ballroom bezieht sich uf dr glyychnamige Veraastaltigsort z Glasgow. L. A. handlet vu ihre Begeischterig fir e Jake Gyllenhaal[10] un s Lied The Road to Home het si fir ihre Vater gschribe, wu si s escht Mol het säh hyyle, wu ihre gmeinsame Hund gstorben isch.[11] In mänke Song wie Caledonia (di latyynisch-keltisch Bezeichnig fir Schottland) druckt si au ihri Heimetverbundeheit uus.
Don't Tell Me That It's Over handlet vum Klimawandel.[4]
Privats
Vu 2008 bis 2012 isch d Amy Macdonald liiert gsii mit em Walisische Fueßballer Steve Lovell.
Diskografi
Albe
| Johr | Titel | Chartplatzierige[12] | Erschtvereffentlichung z Dytschland / Verchaif | ||||
|---|---|---|---|---|---|---|---|
| DE | AT | CH | UK | US | |||
| 2007 | This Is the Life | 3 | 3 | 1 | 1 | 92 | 7. März 2008 Verchaif: 1.588.000[13][14] |
| 2010 | A Curious Thing | 1 | 1 | 1 | 4 | – | 12. März 2010 Verchaif: 445.000[15] |
| 2012 | Life in a Beautiful Light | 1 | 1 | 2 | 2 | – | 8. Juni 2012 Verchaif: 750.000 |
| 2017 | Life in a Beautiful Light | 23 | 21 | 30 | 9 | – | 17. Februar 2017 Verchaif: 100.000 |
Single
| Johr | Titel | Chartplatzierige[16] | Erschtvereffentlichung z Dytschland | Album | ||||
|---|---|---|---|---|---|---|---|---|
| DE | AT | CH | UK | US | ||||
| 2007 | Poison Prince | 66 | − | 58 | − | − | 19. Juni 2009 | This Is the Life |
| Mr. Rock & Roll | 21 | 19 | 3 | 12 | − | 14. März 2008 | ||
| L.A. | – | − | – | 48 | − | − | ||
| This Is the Life | 2 | 1 | 2 | 28 | − | 18. Juli 2008 | ||
| 2008 | Run | 36 | – | – | 75 | − | 20. Februar 2009 | |
| 2010 | Don't Tell Me That It's Over | 6 | 10 | 4 | 48 | − | 26. Februar 2010 | A Curious Thing |
| Spark | 56 | 74 | 62 | − | − | 25. Juni 2010 | ||
| This Pretty Face | 49 | 56 | – | − | − | 19. Juli 2010 | ||
| 2012 | Slow It Down | 38 | 43 | 24 | 45 | − | 4. Mai 2012 | Life in a Beautiful Light |
| 2017 | Dream On | − | − | 4 | − | − | 6. Jänner 2017 | Under Stars |
Uuszeichnige
- Echo
- 2009: fir „Erfolgreichster Newcomer International“
- Swiss Music Award
- Platin-Schallplatte
- Schwyz: fir A Curious Thing (zwei Mol) (Album)[18]
- Dytschland: fir This Is the Life (Single un Album) (vier Mol)[19]
- Dytschland: fir A Curious Thing (Album)[19]
- Eschtryych: fir This Is the Life (Album)[20]
- Schwyz: fir This Is the Life (fimf Mol) (Album)[21]
- Großbritannie: fir s Album This Is the Life (zweimal)[22]
- Belgie: fir This Is the Life Single un Album[23]
- Guldini Schallplatte
- Silbrigi Schallplatte
- Schwede: fir Run (Single)
Weblink
Commons: Amy Macdonald – Sammlig vo MultimediadateieFueßnote
 | Dä Artikel basiert uff ere fräie Übersetzig vu dere Version vum Artikel „Amy_Macdonald“ vu de dütsche Wikipedia. E Liste vu de Autore un Versione isch do z finde. |