Anna Rossinelli

D Anna Rossinelli (* 20. April 1987 z Basel) isch e Schwyzer Sängeri un Liedschryberi. Si het d Schwiz am Eurovision Song Contest 2011 z Düsseldorf verdrätte.

d Anna Rossinelli (bi Radio Pilatus, Jänner 2019)

Läbe

Ihri erschti Bühnenerfahrig het d Rossinelli im Alter vo 13 Johr gmacht. Ei Johr speter het si ihri erschti A-cappella-Band gründet, derno het si Uftritt mit verschidene wytere Bands gha, u. a. The Monotones und The Fabulous Tools. Speter het si d Jazzschuel an dr Musik-Akademi vo dr Stadt Basel absolviert, wo näbe Gsang, Musiktheori und Ghörbildig au Klavierunterricht zum Lehrplan ghört het. Aktuell isch d Rossinelli d Sängeri vom Pop-Soul-Trio Anna Rossinelli (bis 2011 Anne Claire).[1]

Näbe ihre musikalischen Uusbildig het d Anna Rossinelli au ne Uusbildig zur Pflegefachfrau in dr Behindertebetreuig gmacht. Derzue het si als Model für Unterwesch vum Label Tarzan gschafft.[2]

Eurovision Song Contest

d Rossinelli mit ire Band bim Eurovision Song Contest

Für d Voruusscheidig vom Schwyzer Färnseh für dr Startplatz vo dr Schwyz am Eurovision Song Contest 2011 z Düsseldorf het sich d Anna Rossinelli mit dr Ballade In Love for a While (Text und Musik: David Klein) beworbe. Si het dr Gump in d Entscheidigsshow am 11. Dezämber 2010 z Chrüzlige gschafft, wo si sich gege elf Konkurrente durgsetzt het. Vor dr Show het si bi dr Experten als Ussesyteri gulte. In dr Sändig het si vo dr Jury aber di beschte Kritike übercho.[3]

Am 10. Mai 2011 isch si bim ESC z Düsseldorf im erschte Halbfinal aaträtte. Doderbi isch ere dr Yzug in dr Final am 14. Mai glunge. Dört sin d Rossinelli und ihri Band mit 19 Pünkt uf dr letschti Platz cho.

D Rossinelli am Openair uf em Bundesplatz 2012

Diskografy

Albe

  • Bon voyage (2011)
  • Marylou (2013)
  • Marylou Two (2014)
  • Takes Two To Tango (2015)
  • White Garden (2019)
  • Mother (2023)

Single

  • In Love for a While (2011)
  • Let It Go (2013)
  • Shine in the Light (2014)
  • Bang Bang Bang (2015)
  • Hold Your Head Up (2019)
  • Forevermore (2021)
  • Mother (2023)

Weblink

 Commons: Anna Rossinelli – Sammlig vo Multimediadateie

Fuessnote


Dä Artikel basiert uff ere fräie Übersetzig vum Artikel „Anna_Rossinelli“ vu de dütsche Wikipedia. E Liste vu de Autore un Versione isch do z finde.