Büüre
Büüre (amtlech Büren an der Aare) isch e politischi Gmeind im Verwautigschreis Seeland im Kanton Bärn, Schwyz.
| Büren an der Aare | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Seeland |
| BFS-Nr.: | 0383 |
| Poschtleitzahl: | 3294 |
| Koordinate: | / 22103647° 8′ 25″ N, 7° 22′ 20″ O; CH1903: 594964 / 221036 |
| Höchi: | 443 m ü. M. |
| Flächi: | 12,70 km² |
| Iiwohner: | 3696 (31. Dezämber 2022)[1] |
| Website: | www.bueren.ch |
 Houzbrügg | |
| Charte | |
 | |
Geografi
Büüre isch es Stedtli ar Aare. Do goot e Brügg übere Fluss, wo 1989 vo öperem äxtra azündet worde isch, und 1991 het me si wider gflickt; das isch e auti Houzbrügg. Underem Stedtli isch d Ländti, wo d Aareschiff haute.
D Gmeindsflächi bsteit us 46,2 % langwirtschaftlecher Flächi, 34,1 % Waud, 12,4 % Sidligsflächi u 7,3 % süschtigi Flächi.[2] D Nachburgmeinde si Meieried, Saafnere, Meinisbeerg, Rüti bi Büre, Längnou, Oberwiil, Diessbe u Dotzige im Kanton Bärn u Gränche u Schnottu im Kanton Solothurn.
Gschicht
Büüre isch zum erschte Mal gnennt worde im Jahr 1185 aus Buirro, 1236 Buron. D Stadt isch vo de Freihere vo Strassbärg ggründet worde. Es het de bis ane 1375 de Grafe vo Nidou ghört. Dr letscht Nidouer isch denn bir Verteidigung vo de Stadtmuure gäge d Gugler tötet worde.Und denn isch Büüre ad Kyburger choo. 1398 hei d Bärner Büüre eroberet.
Bis zum 31. Dezämber 2009 het d Gmeind zum Bezirk Büüre ghört.
Ywohner
Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 1419 | 1413 | 1378 | 1643 | 1673 | 1963 | 2020 | 2252 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 2119 | 1948 | 2171 | 2432 | 3085 | 2761 | 3125 | 3077 |
Dr Uusländeraateil isch 2010 bi 13,4 % gläge.[2]
Religion
72,3 % vo de Ywohner si evangelisch-reformiert, 13,6 % si römisch-katholisch (Stang 2000).[2]
Politik
Bi de Nationauraatswahle 2011 het s das Ergebnis ggää:[2] BDP 19,1 %, CVP 1,4 %, EVP 4,0 %, FDP 9,5 %. GLP 6,5 %, GP 6,9 %, SP 18,3 %, SVP 28,7 %, Suschtigi 5,6 %.
Gmeindspresidäntin vo Büüre isch d Claudia Witschi-Herrmann (Stang 2013).
Wirtschaft
Z Büüre het’s e Handwärcher- und Gwärbverein. Er het mee als sibezg Mitglider us verschidene Sparte vo dr Wirtschaft.
Sprach u Dialäkt
Bir Vouchszeuuig 2000 hei vo de 3077 Ywohner 91 % Dütsch aus Houptsprach aaggää, 1,2 % Französisch u 1,7 % Italienisch.[2]
Dr Dialäkt vo Büüre ghört zum Hochalemannisch.
Bilder
d Stadtchiuche
s Schloss
dr Grabe
d Ländti
di auti Müli
Literatur
- Hornerblätter, der Vereinigung für Heimatpflege Büren, ZDB-ID 2363985-4.
- Max Gribi: Büren an der Aare. Kleinstadt im Seeland. Haupt, Bern 1988, ISBN 3-258-03963-1 (Berner Heimatbücher 138).
Weblink
Commons: Büren an der Aare – Sammlig vo Multimediadateie- www.bueren.ch
- Anne-Marie Dubler: Büüre. In: Historisches Lexikon vo dr Schwiiz.
