Badisches Wörterbuech

S Badisch Werterbuech sammlet un pubilziärt dr Wortschatz vu dr alemannische, dr süd- un oschtfränkische, un dr rhiifränkische Dialäkt im badische Ländli.

Titelblatt vum 1. Band

Vorgschicht

In Greise vu dr Friiburger Universtät het mer, wiä im Elsass, in dr Schwiz un im Wirttebärgische welle e Dialäktwerterbuech rüsgä. 1914 isch im Ernst Ochs, wu vu Ättene stammt, ufdrait wore, diä Sach in d Hand z nämme. Bade isch derte noch e politischi Eiheit gsii, wäge däm het mer d Dialäkt im Badische in einem Wärk gsammlet. Dr E. Ochs het kenne uf segshundert üsgfillti Volkskundi-Frogeboge zruckgriffe, wu vum Friedrich Kluge, em Fridrich Pfaff un em Elard Hugo Meyer scho biibrocht gsii sin, un het sälber witer gsammlet un sammle lo. 1925 isch drno d erscht Liiferung (s erscht Heft) rüskumme.

Wiäs witer gange isch

Mer het also bim Buechstabe A agfange un het drno heftwiis witergmacht. Diä Hefter sin, wu si zämme d Dicki vum e Buech erreicht hän, zum erschte Band bunde wore. Noch em Ernst Ochs het dr Karl Friedrich Müller witer gmacht, drno dr Gerhard W. Baur un vu 1998 bis 2009 dr Rudolf Post. Dr letscht Band wird sitt em Septämber 2009 vum Tobias Streck bearbeitet.
Des Wärk, wu dr E. Ochs noch het welle mit zwee Bänd esälber fertig bikumme, isch alliwiil greßer wore, d Beleglag het sich dur s Witersammle verbesseret, diä technische Megligkeite sin gstiige. Dur des isch aü d Qualtität un d Mängi gstiige, wiä witter ass mer im Alphabet kumme isch. In dr Zwischezit sin si bim fimfte Band un bim Buechstabe S. Mit em Abschluss isch erscht anne 2025 z rächne. So lang goht des, well numme ei Haüpkraft un ganz wennig Hilfskräft vu dr Uni zahlt wäre. Ab 2021 het s Badisch Werterbuech mit dr Friedel Scheer-Nahor bis zue ire Presnionierung im Merz 2022 e zwoti wisseschaftligi Haüpkraft gha.

Handhabung

Wägem hoche Verkaüfspriis findet mer s Badisch Werterbuech küüm in privater Hand, fascht numme in wisseschaftlige Bibliotheke. D „Arbeitsstelle Badisches Wörterbuch“ an dr Albert-Ludwigs-Universität z Friiburg i. B. isch effentlig zuegänglig; wär e wisseschaftligs Inträssi het, was dur diä bishärige Bänd nit befriidigt wird, ka sich dert ani wände. Dr Bstand vum Badische Werterbuech isch hit aü elektronisch erfasst.
Dur des, dass alemanischi un fränkischi Werter un Wortforme verzeichnet sin, het mer sich fir meischtens hochditschi Wort-Titel entschiide. Wämmer zum Biispiil stibbere suecht, findet mer des unter dr kinschtlig verhochditschte Form „stäupern“ – eso e Form heißt mer Lemma. Im Wortartikili drin sin drno aber verschiidini ertligi Forme lütdrej (luuttreu) agää.
Mer findet üsser dr Bedittung vu dr Werter also verschiidini regionali Variante un aü d etymolgisch Härkumpft vu dr Werter.

Publikationsstand

Badisches Wörterbuch, begonnen von Ernst Ochs, weitergeführt von Karl Friedrich Müller, Gerhard W. Baur, Rudolf Post und Tobias Streck, Walter de Gruyter Verlag, Berlin/München/Boston (bzw. 1925–1999 Verlag Moritz Schauenburg, Lahr/Schwarzwald und 2000–2012 R. Oldenbourg Verlag, München).

  • Band 1 (A – E) 1940
  • Band 2 (F – H) 1974
  • Band 3 (J – M) 1997
  • Band 4 (N – Schw) 2009
  • Band 5 (Se – Z) 2012 ff. i Liiferige

Literatur

  • Ochs, Ernst: Badisches Wörterbuch (Bericht). In: Zeitschrift für deutsche Mundarten 16 (1921), S. 180f.
  • Ochs, Ernst: Proben des Badischen Wörterbuchs nebst Gliederung der Badischen Mundarten. 2. Aufl. Karlsruhe
  • Baur, Gerhard W.: Mundartwörterbücher im alemannischen Sprachraum. In: Alemannica. Landeskundliche Beiträge. Festschrift für Bruno Boesch zum 65. Geburtstag (= Alem. Jahrbuch 1973/75), Bühl/Baden 1976, S. 62–72.
  • Baur, Gerhard W.: Das Badische Wörterbuch. In: Dialektlexikographie. Festgabe für Luise Berthold zum 85. Geburtstag am 27. Januar 1976. Wiesbaden 1976 (= ZDL Beihefte N.F.17), S. 25–35.
  • Baur, Gerhard, W.: Das Badische Wörterbuch. In: Symposion Ernst Christmann. Vorträge zur Dialektlexikographie, Sprachgeographie und Volksforschung des Westmitteldeutschen. Hrsg. von W. Kleiber. Stuttgart 1987, S. 61–72.
  • Post, Rudolf: Die Erhebungen zur Sammlung der Volksüberlieferungen Badens 1894/95 und die Anfänge des „Badischen Wörterbuchs“. In: Rudolf Bentzinger, Damaris Nübling, Rudolf Steffens (Hg.): Sprachgeschichte, Dialektologie, Onomastik, Volkskunde. Wolfgang Kleiber zum 70. Geburtstag. Stuttgart 2001, S. 259–275. (ZDL-Beiheft 115). [mit Abb. und Karten]
  • Post, Rudolf: Badisches Wörterbuch. In: Städtler, Thomas (Hg.): Wissenschaftliche Lexikographie im deutschsprachigen Raum. Heidelberg 2003, S. 319–322.

Weblink