Brunei

S Sultanat Brunei (amtlig Brunei Darussalam, malaiisch: Negara Brunei Darussalam) isch ä Schdaat in Asie. Er lit uf dr Insle Borneo (indonesisch Kalimantan) im Südchinesische Meer und gränzt an Malaysia. Übersetzt ins Dütsche bedütet dr arabisch Begriff Darussalam (دارالسلام) sovil wie „Huus vom Friide“ und bezeichnet jede Schtaat, won ä Gesetzgäbig het, wo sich am islamische Rächt orientiert. Negara bedütet uf Malaiisch Schtaat und dr eigentlig Name vom Land „Brunei“ goht uf vorislamischi Ziite zrugg und leitet sich vom chinesische Name „Po-Ni“ ab. Au der Name „Borneo“ isch mit Po-Ni und Brunei verwandt.

برني دارالسلام Negara Brunei Darussalam Sultanat Brunei Darussalam
Wahlspruch: Brunei Darussalam (malaiisch, „Brunei, Heimet vom Friide“)
Amtsspraach	Malaiisch
Hauptstadt	Bandar Seri Begawan
Staatsoberhaupt	Hassanal Bolkiah
Regierigschef	Hassanal Bolkiah
Flächi	5.770 km²
Iiwohnerzahl	374.577[1]
Bevölkerigsdichti	64,5 Iiwohner pro km²
Brutto­inlands­produkt pro Iiwohner	16.000 US-$ (2005)
Währig	Brunei-Dollar
Unabhängigkeit	1984
Nationalhimne	Ya Allah lanjutkan la usia Duli tuanku
Zitzone	UTC + 8
Kfz-Kennzeiche	BRU
Internet-TLD	.bn
Vorwahl	+673

S hütige Schtaatsgebiet vo Brunei isch dr Räst vom enä Sultanat, wo früehner wiit grösser gsi isch. Es het zwüschem 16. und 19. Johrhundert grob die ganzi Nordküschte em Herrschaftsberiich vom Sultan von Brunei zuegordnet. Dr Nationalfiirdag vom Land isch der 23. Februar.