Eluveitie
| Eluveitie | |
|---|---|
 | |
| Grindig: | 2002 |
| Genre: | Pagan Metal,New Wave of Folk Metal |
| Webseyte: | eluveitie.ch |
| Plattäfirma: | Twilight |
| Häärkunft: | Schweiz |
| Ehemaligi Mitgliider | |
| Schlagzeyg: | Dario Hofstätter |
| Rhythmusgitarrä: | Yves Tribelhorn |
| Irischi Bouzouki: | Phillip Reinmann |
| Gyygä: | Mättu Ackermann |
| Bass, Gsang: | Gian Albertin |
| Gitarrä: | Dani Fürer |
| Helvetischi Sackpfyyfä, Drehleier, Bouzouki, Bodhrán: | Dide Marfurt |
| Drehleier, Bass-Schalmei, Crummhorn, Akkordeon, Gsang: | Sarah Kiener |
| Gyygä, Gsang: | Linda Suter |
| Gsang: | Sevi |
| Schlagzeyg: | Beni |
| Aktuelli Bsetzig | |
| Gsang, Mandola, Tin Whistle, Low Whistle, Uilleann Pipes, Akustikgitarre, Bodhrán: | Christian „Chrigel“ Glanzmann |
| Gsang, Irish Flute, Tin Whistle, Gaita: | Sevan Kirder |
| Gsang, Drehleier : | Anna Murphy |
| Gyyge, Gsang: | Meri Tadic |
| Schlagzeyg: | Merlin Sutter |
| Gitarrä, Gsang: | Siméon Koch |
| Gitarrä: | Ivo Henzi |
| Bass, Gsang: | Rafi Kirder |
Eluveitie isch ä achtchepfigi Pagan-Metal-Band us dr Schweyz. Alles aagfange het im Züri Oberland, gnauer im Tösstal zwüschet Wald und Winterthur, di hütige Mitglider chömed aber us allne Teile vom Land. Si kombiniärid i irärä Musig keltischi Folklore mit herte Metal-Kläng. D Gitarremusig ähnled sehr am us Schwedä (Göteborg) schtammende Melodic Death Metal und beinhaltet au Elemänt usem Black Metal. Selber bezeichnet si iri musig als The new Wave of Folk Metal. D Tägscht vo dä Bänd träid sich um d Gschicht, s' tägläch Läbe und d' Schpiritualität vom keltischä Stamm vo dä Helvetier und sind täilwiis in ärä rekonschtruiärtä Form vom helvetischä Gallisch gschreybä. So isch ai dr Bändname Gallisch und beditet: „Ich, dr Helvetiär“.
Gschicht
Grindet het d' Bänd dr Christian „Chrigel“ Glanzmann im Winter 2002 als Studio-Projäkt. Im Oktober null-drey isch duä diä erschti Zede Vên (helvetischs Gallisch fyr: wildi Fräid). D' Reakzionä uf s'Erschlingswärch hett di damaligä Mitglyder därzuä beweogä uisäm Studio-Projäkt ä richtigi Bänd z' formä.
Druifappä henz di erschtä Schous gspillt und Eluveitie hed ä Vertrag bim holländischä Plattänleibäl Fear Dark chennä unterschreybä, wo 2004 ai Vên nu äinisch uisäpracht het.
Wiitäri Läif-Uiftritt hend gfolgt, so z. B. uif Feschtiwals vo Fear Dark, oder ai als Unterstytzig vo internationalä Pagan-/Folk Metal-Gressä wi Korpiklaani oder Cruachan.
Zum 15-jährigä Jubiléé vo där teytsch-isländischä Bänd Falkenbach isch 2006 äs limitiärts Anerkännigsalbum erschine, wo ai Eluveitie äs Liäd („Vanadis“) beygstyyret het. Ai isches am Aafang vom Jahr zumänä Wächsel i dä bsetzig choo. Währäd mär fyr d Sarah Kiener d Anna Murphy als Ersatz an där Drähläiärä gfundä het, isch entschidä wordä das mär d Linda Suter a dä Gyygä nid ersetzä tuät.
Im 2. Quartal 2006 isch s zwäitä Album Spirit wiedärum dur Fear Dark erschinä und Eluveitie isch im Septämber zämä mit där teytschä Bänd „Odroerir“ dur Oiropa tuurät.
Ändi 2006 het Eluveitie än niuwä Plattävertrag bim bekannte Leibäl „Nuclear Blast“ undärschribä. Außerdäm sind s fyrs Earthshaker-Festival 2007 bestätigät. Im Herbscht 2007 hends denn au no Slania ufgno. Mit Slania hends denn de Durchbruch i de Metalszene gschafft. Sie hend uf villne grosse Festivals gspillt und sind au mit em Paganfest uf Tournee gsi.
Im Früelig 2009 isch denn nomol es neus Album usecho. Evocation1 the Arcane Dominion. Uf em Album hed fasch uschlüsslich d Anna Murphy gsunge. De Christian het nume im Hindergrung mitwürkt und susch anderi Instrument gspillt. Das Album isch au s bisher ruigschde Album vo ine, es isches reins Akkustikalbum.
Scho wenigi Mönet spöter, im Februar 2010, bringeds s neuschde Album use: Everything remains ( as it never was). Bereits im Vorus isch scho s Lied "Thousandfold" als Singlä mit Videoclip usechoo. Das isch ez nachem ruigschde Album s härtischte Album wos produziert hend. Es het aber denno villi Folk-Passage und tönt aifach einzigartig und genial. Mit dem Album händ si ihre eigni, unverkännbari Schtiil wiiter uusbout und noii Fäns dezue ggune. Im Summer 2011 hend si denn sogar bim Sonisphere Festival in Basel dörfe uufträte, näbet vilne andere grosse Bands wie zum Biischpiil In Flames, Iron Maiden, Slipknot, Limp Bizkit und Hammerfall.
D'Erfolgsgschicht goht wyter 2012 mit em Album "Helvetios", wo in der Schwiizer Hitparade uf Platz 4 landet. Us däm Album sin zu zwei singles Videos veröffentliggt worde: "A Rose for Epona", e Ballade wo wiitgehend vo der Anna gsunge wird, und "Havoc". Im Summer vom glyche Johr veröffentliggt d'Bänd usserdäm s'Doppelalbum "The Early Years". Das isch e Neuuflaag vo ihrer allererschte CD "Vên" - wo dasmol vollständig neu iigspilt worde isch - und "Spirit" wo g'remastered worde isch.Leider kündet der Gitarrischt Sime Koch im Septämber 2012 aa, dass är d'Bänd us private Gründ wird verloo. Är wird dur e Rafael Salzmann als Live-Gitarrischt ersetzt.
Disgografii
- Vên (Eigäproduktion, Oktober 2003, Widerveröffentlichung 2004, 2. Widerveröffentlichung 2008)
- Spirit (Fear Dark, Juni 2006, Widerveröffentlichung 2007)
- Slania (Nuclear Blast, Februar 2008)
- Evocation 1 - The Arcane Dominion (Nuclear Blast, April 2009)
- Everything Remains (As it Never Was) (Nuclear Blast, Februar 2010)
- Helvetios (Nuclear Blast, 012)
- Origins (Nuclear Blast, 2014)
Lueg ai
Commons: Eluveitie – Sammlig vo Multimediadateie