Ensemble Aventure

S Ensemble Aventure isch am 13. Jänner 1986 vum Wolfgang Rüdiger, em Walter Ifrim un em Johannes Nied grindet woore, wu si an dr Musikhoochschuel chännegleert ghaa hän. S Ensemble bstoot us fufzee profilierte Inschtrumentalischt*ine, wu in verschiidene Bsetzige mitenander Musik mache. Uf dr Kunzärtbrogramm steen Wäärch vu dr Zwoote Wiener Schuel, dr New York School un dr Darmstädter Schuel, Dada, Fluxus un Kunzäptchunscht un au Wäärch vu verdrängte un vergässene Kumpenischte. Fir d Bsetzig vu dr Kumpesizioon Octandre vum Edgar Varèse (siibe Bleeser un Kontrabass), wu s Ensembe im Debütkunzärt bresäntiert het, aber au fir vyl anderi Bsetzige het s Ensemble Aventure syterhäär e Hufe Kumpesizioonsufdreeg vergee;^[1] insgsamt het s e baar hundert Uruffierige gspiilt.^[2] Syt dr frieje 1990er Joor wird s Ensemble Aventure uf renommierti Feschtival un in wiichtigi Kunzärtzyylede yyglaade; Turnee hän unter anderem ins europeisch Uusland, uf Oschtaasie un au als uf Latynameerrika gfiert. E Fryburger Kunzärtzyylede mit in dr Reegle segs Saisonkunzärt git s syter anne 1991. 1995 het s Ensemble in dr Ryym vu dr Elisabeth-Schneider-Stiftig en feschte Oort fir die Kunzärtzyylede un au fir d Proobe gfunde.^[3]

Näb dr Kunzärt het s Ensemple Aventure au e Hufe Yyspiilige fir dr Sidweschtrundfunk un anderi Rundfunkaastalte gmacht un derzue rund zwanzg CD-Ufname.^[4]

Anne1995 het s Ensemble Aventure dr Regio-Musikbryys vu dr Europeische Wiirtschaft iiberchuu, 1996 un 1998 je ne Bryys vu dr dytsche Schallblattekritik, 1996 un 2011 je ne Feertderbhryys vu dr Ernst-von-Siemens-Musikstiftig un 2006 en Bryys vu dr Kulturstiftig vu dr Länder – fir e John-Cage-Projäkt, wu im Rame vu dr Eschinger Musikdääg zäme mit Schueler*ne bresäntiert wooren isch.^[5]

D Fryburger Kultuur- un Veraaschtaltigszytig „Kultur Joker“ het s Ensemble Aventure eso karakterisiert:^[6]

• Martina Roth, Queerfleete (syt 1993)
• Alexander Ott, Oboe (syt 2006)
• Walter Ifrim, Klarinette (Grindigsmitgliid)
• Wolfgang Rüdiger, Fagott (Grindigsmitgliid un chinschtlerische Laiter)
• Delphine Gauthier-Guiche, Hoorn
• Andrew Digby, Posuune (syt dr frieje 1990er Joor)
• Marina Paccagnella, Harfe (Grindigsmitgliid)
• Bärbel Libera, Gitarre (syt 1997/1998)
• Victoria Ifrim, Schlagzeug (Grindigsmitgliid)
• Akiko Okabe, Klavier (syt 2006)
• Friedemann Amadeus Treiber, Violine
• Horst Hildebrandt, Violine (syt 1988)
• Sylvie Altenburger, Viola (seit 2014)
• Beverley Ellis, Violoncello
• Johannes Nied, Kontrabass (Grindigsmitgliid)

• Susanne Benda: … auch eine Art gesellschaftlicher Utopie. Das Freiburger Ensemble Aventure. In: NZ. Neue Zeitschrift für Musik 1/1995, S. 48–50.
• Stefan Drees: Porträt in Produktionen: Ensemble Aventure. In: Positionen 46, Februar 2001, S. 49–51.
• Georg Wasmuth: Der „Freiburger Frühling“ des Ensemble Aventure. In: MusikTexte. Zeitschrift für Neue Musik 106, August 2005, S. 90 f.
• Lydia Jeschke: Frei, um gute Musik zu machen. 20 Jahre Ensemble Aventure Freiburg. In: MusikTexte. Neue Zeitschrift für Musik 1/2006, S. 60 f.
• Meret Forster: Im Aufbruch bleiben. Das Ensemble Aventure Freiburg. In: Positionen 67, Mai 2006, S. 46 f.
• Georg Wasmuth: Der zweite Freiburger Frühling des Ensemble Aventure. In: MusikTexte. Zeitschrift für Neue Musik 110, August 2006, S. 83 f.
• Lydia Jeschke: Schattenriss des Neuen. Seit 25 Jahren vermittelt das Freiburger Ensemble Aventure Neue Musik. In: NZ. Neue Zeitschrift für Musik 3/2011, S. 54–56.
• Coriún Aharonián: Im Dialog der Kulturen. Fünfundzwanzig Jahre Ensemble Aventure. In: MusikTexte. Zeitschrift für Neue Musik 130, August 2011, S. 27 f.
• Ensemble Aventure. Dokumentation. Stand Juli 2012. Hrsg. vom Ensemble Aventure, Freiburg 2012.

Weblink

• Websyte vum Ensemble Aventure
• s Ensemble Aventure uf www.miz.org

Fueßnote

Dä Artikel basiert uff ere fräie Übersetzig vu dere Version vum Artikel „Ensemble_Aventure“ vu de dütsche Wikipedia. E Liste vu de Autore un Versione isch do z finde.