Erzbistum Stroossburg

S Erzbistum Stroossburg (lat.: Archidioecesis Argentoratensis o Argentinensis) isch e immediats Erzbistum vo dr römisch-katholische Kiirche vo Frankriich.

Karte
Karte Erzbistum Strassburg
Basisdate
StaatFrankriich
ChilcheprovinzImmediat
DiözesanbischofJean-Pierre Grallet OFM
WejbischofVincent Dollmann
Christian Kratz
Emeritierte DiözesanbischofJoseph Doré PSS
GeneralvikarJoseph Gaschy
Joseph Musser
Flechi8.280 km²
Pfaareje767 (31.12.2007 / AP2008)
Yywohner1.734.145 (31.12.2007 / AP2008)
Katholike1.300.000 (31.12.2007 / AP2008)
Aadeil75 %
Diözesanprieschter610 (31.12.2007 / AP2008)
Ordensprieschter262 (31.12.2007 / AP2008)
Ständigi Diakon60 (31.12.2007 / AP2008)
Katholiken je Priester1.491
Ordensbrieder360 (31.12.2007 / AP2008)
Ordensschweschtere1.466 (31.12.2007 / AP2008)
RitusRömische Ritus
LiturgiisprochFranzösisch
Dütsch
KathedraleStroossburger Münster
Aaschrift16 rue Brûlée
67081 Strasbourg CEDEX, Frankriich
Internetufftrittwww.archeveche-strasbourg.fr

Si Gebiet umfasst d Region Elsass, bestoot also us de Departemänt Bas-Rhin (Niiderrhii) und Haut-Rhin (Oberrhii).

Gschicht

Abgränzig vom Bistum im Middelalter
Dr Sitz vom Erzbistum an dr Rue Brûlée

S Bistum Stroossburg wird zum erste Mol im Joor 343 erwäänt, wo der Bischof Amandus am Konziil z Serdica gsi isch, und het sit dr Karolingerzit zu dr Kiircheprowinz Mainz ghöört. Im 12. Joorhundert isch s in acht Archidiakonat iidäilt worde, wo alli zum Domkapitel ghört häi. Im 15. Joorhundert het s Bistum 448 Pfarreie in 14 Dekanat gha. Wäge dr Reformazioon isch d Zaal vo de Pfarreie im 17. Joorhundert nume no 162 gsi.

Scho im 10. Joorhundert het dr Bischof s Münzrächt und d Groofewürde gha und het im Lauf vo de Joorhundert e Territorium chönne ufbaue. S Hoochstift Stroossburg isch zwar seer versplitteret gsi, het aber e Gröössi vo 1400 Kwadratkilometer gha. D Residänz vom Bischof, wo für sini französische Ländereie sit 1687 em Köönig vo Frankriich dr Läächeäid gläistet het, isch mäistens z Dachstäi oder z Zabere gsi.

S Domkapitel isch 888 as Mariebrüederschaft vo dr Domkiirche gründet worde und isch scho am Aafang vom 11. Joorhundert wirtschaftlig sälbständig und unabhängig vom Bischof gsi. Zerst het s zwüsche 30 und 50 Mitgliider gha, 1364 isch iiri Zaal uf 24 festgleit worde. Die häi sit em 13. Joorhundert wenigstens müesse Freiherre si und uf dr Site vo dr Mueter und vom Vater 16 Aane ha.

Um 1262 het dr Bischof brobiert, d Rächt vo dr Stadt Stroossburg z beschniide. Es isch zum offene Chrieg mit de Bürger cho; am 8. Merz 1262 isch dr Bischof Walter von Geroldseck in dr Schlacht vo Husbärge entschäidend gschlage worde und d Stadtgmaind isch vom Hoochstift unabhängig worde und het sich zun ere Freie Riichsstadt afo entwiggle.

Wo die alte Familie vom Elsass im 15. Joorhundert usgstorbe si, het s hochadlige Kapitel nume no landfremdi Kandidate gfunde. Dr letscht elsässisch Domherr söll 1456 gstorbe si. D Usenandersetzige, wo zum Däil massiv gsi si, si im 15. Joorhundert au uf em Konzil vo Baasel usdräit worde. Wil s Gäld knapp worde isch, het mä 1650 s Kapitel organisiert in zwölf Kapitularkanoniker mit em Bischofswaalrächt und zwölf anderi Domherre, wo schlächter dotiert gsi si.

Noch dr Eroberig vo Stroossburg dur Frankriich im Joor 1681 und dr ändgültige Annexion 1697 im Friide vo Rijswijk het e massivi Rekatholisierig aagfange. Churz vor 1700 het mä d Statute revidiert, so dass dr Adelsnoochwiis lichter worde isch und mä au Franzose het chönne ufnee.

Noch em Dütsch-Französische Chrieg 1870/71 isch s Bistum (wie au s Elsass und Lothringe) wider an Dütschland gfalle. S Bistum isch de dütsche Bistümer gliichgstellt worde, het aber immer as en Usnaamgebiet gulte. Wo s im Versailler Verdraag 1919 wider zu Frankriich cho isch, het s s Rächt uf e freiji Bischofswaal wider verloore, het aber zämme mit em Bistum Metz immer no e kiirchligs Usnaamgebiet vo Frankriich bildet und het im Gegesatz zu de andere Bistümer im Land e Kiirchestüür iizooge. Zum Aalass vom Bsuech vom Bapst Johannes Paul II. im Bistum am 1. Juni 1988 isch es zum Erzbistum erhobe worde, aber ooni dass es Sitz vom ene Metropolit worde weer.

S Stroossburger Münster

Lueg au

Litratuur

  • Francis Rapp: Réformes et Réformation à Strasbourg. Église et société dans le diocèse de Strasbourg (1450–1525). (= Collection de l’Institut des Hautes Études Alsaciennes, Bd. 23). Éditions Ophrys, Bariis 1974, ISBN 2-7080-0411-5.
  • Emil Clemens Scherer: Die Straßburger Bischöfe im Investiturstreit. Ein Beitrag zur elsässischen Kirchengeschichte. Tinner, Bonn 1923 (Digitalisat, PDF (Site cha nüme abgrüeft wärde; Suche im Webarchiv)[1] [2] Vorlage:Toter Link/dlib.stanford.edu)

Weblingg

 Commons: Erzbistum Stroossburg – Sammlig vo Multimediadateie


Dä Artikel basiert uff ere fräie Übersetzig vum Artikel „Erzbistum_Straßburg“ vu de dütsche Wikipedia. E Liste vu de Autore un Versione isch do z finde.