Friedrich Karl Oehler

Dr Friedrich Karl Oehler (* 19. Augschte 1844 z Wyswyl; † 12. Merz 1910 z Haidelberg) isch e evangelische Theolog un Brelat vu dr Evangelische Landeschilche z Bade gsii.

Läben un Beruef

Dr Oehler isch z Witteweier (hite Gmai Schwanau) z Sidbaden ufgwachse, wu sy Vater Gmainds- un Bezirksrot gsii isch. Är isch dert uf d Volksschuel gange un derno uf s Lyzeum z Lohr, speter z Charlsrue. Derno het er z Halle (Saale) un z Haidelberg Theology studiert. In dr Zyt vum Studium isch er 1863 Mitglid vu dr Schwarzburgbund-Verbindig Tuiskonia Halle wore.[1] Noch em Studium isch er Vikar z Betberg (hite Ortsdail vu Bugginge) gsii, wun er au sy speter Wyyb Mathilde Werner chänneglehrt het, un au z Laufe (hite Ortsdail vu Sulzburg) un z Meßkirch. Sy erschti Bfaarei isch em z Sanderge aabote wore, är isch aber anne 1879 fir langi Johr uf Pforze gange. Vu dert isch er 1894 in dr Oberchilcheot beruefe wore. Ärhet aber au wyter as Bfaarer gschafft.

Anne 1904 isch dr Oehler as Noofolger vum Albert Helbing, wu s Amt vum Bresidänt vum Oberchilcheot ibernuu het, zum Brelat un dodermit zum gaischtli Oberhaupt vu dr Evangelische Landeschilche z Bade beruefe wore. Dr Oehler un dr Helbing hän zämme d Laitig vu dr badische Landeschilche bildet, wu dodmol dr jewylig Großherzog vu Baden as „summus episcopus“ vorgstanden isch.

Im Johr 1909 het dr Oehler sy Amt niderglait. Sy Noofolger as Brelat vu dr Evangelische Landeschilche z Bade isch dr Ludwig Schmitthenner wore, wu di gaischtli Laitig vu dr Landeschilche iber s Johr 1918 (wu s landesheerli Chilcheregimänt ewäggfallen isch) uuse ghaa het.

Dr Oehler isch scho ai Johr no sym Ruggdritt as Brelat im Merz 1910 z Charlsrue gstorbe.

Fueßnote


Dä Artikel basiert uff ere fräie Übersetzig vu dere Version vum Artikel „Friedrich_Karl_Oehler“ vu de dütsche Wikipedia. E Liste vu de Autore un Versione isch do z finde.