Granit Xhaka
Granit Xhaka [ˈʤaka] (* 27. Septämber 1992 z Basel) isch e Schwiizer Fuessballspiler. Er wird als zäntrale, defensive oder offensive Mittelfäldspiler ygsetzt und staht bim FC Arsenal under Vertrag.
| Granit Xhaka | ||
.jpg) im Trikot vom FC Arsenal (2018) | ||
| Personalia | ||
|---|---|---|
| Wänn uf d Wält choo | 27. Septämber 1992 | |
| Wo uf d Wält choo | Basel, Schwiiz | |
| Grösse | 185 cm | |
| Position | Mittelfäld | |
| Junioren | ||
| Johr | Station | |
| 1997–2002 | FC Concordia Basel | |
| 2003–2009 | FC Basel | |
| Herre | ||
| Johr | Station | Spil (Tor)1 |
| 2010–2012 | FC Basel | 44 (2) |
| 2012–2016 | Borussia Mönchengladbach | 108 (6) |
| 2016– | FC Arsenal | 121 (7) |
| Nationalmannschaft | ||
| Johr | Uuswahl | Spil (Tor)2 |
| 2008–2009 | Schweiz U-17 | 14 (2) |
| 2009–2010 | Schweiz U-18 | 14 (3) |
| 2010–2011 | Schweiz U-19 | 10 (3) |
| 2010–2011 | Schweiz U-21 | 5 (0) |
| 2011– | Schweiz | 82 (12) |
| 1 Aagää sind nur Ligaspiil. Stand: 14. März 2020 2 Stand: 18. November 2019 | ||
Im Jahr 2017 isch de Xhaka Schwiizer Fuessballer vom Jahr worde.[1]
Geburt und Chindheit
De Granit Xhaka isch de Sohn vo kosovo-albanische Eltere, wo us em dazmal jugoslawische Prishtina stammet.[2] Er isch zäme mit sym ältere Brüeder Taulant, wo äbefalls Profifuessballer isch, im Basler Stadtteil Santihans ufgewachse.[3].
Karriere
Verein
Aafäng bi Concordia und em FC Basel
De Xhaka isch mit vier Jahr vo sym Vater und sym Brüeder zum Training vom FC Concordia Basel mitgnuu worde.[4] Ab em Jänner 2003 het er zur Jugendabteilig vom FC Basel ghöört.[5]Drüü Jahr spööter het er für d Basler U-21-Mannschaft gspilt. I de Jahr 2008 bis 2010 het er bi 37 Spil mitgspilt und ölf Gool gschosse.
Ab de Saison 2010/11 isch de Xhaka im Kader vo der erste Mannschaft gstande. Sys Debüt imene offizielle Spil isch am 28. Juli 2010 bim Qualispil für d Champions League gäge de VSC Debrecen gsi. Das Usswärtsspil im Budapester Szusza Ferenc Stadion het de FC Basel mit 2:0 gwunne, wobii de Granit Xhaka s zweiti Gool erziilt het.[6][7] Sys erste Meisterschaftsgool het er um zwüschenzytliche 3:1 bim 5:1-Heimsiig gäge de FC Thun am 15. Mai 2011 gschosse.[8]
I de Saisons 2010/11 und 2011/12 isch de Xhaka mit dem FC Basel Schwiizer Meister und 2011/12 zuesätzlich Cupsiiger worde.[9]
Borussia Mönchengladbach
Uf d Saison 2012/13 het Borussia Mönchengladbach de Xhaka verpflichtet. Er het en Füüfjahresvertrag bis zum 30. Juni 2017 underschribe.[10] Er het am 18. August 2012 für d Gladbacher debütiert, won er bim 2:0-Sieg im DFB-Pokal gäge Alemannia Aachen duregspilt het. Sys Bundesligadebüt het er am 25. August 2012 gä, won er bim 2:1-Sieg gäge d TSG 1899 Hoffenheim ygsetzt worden isch; s erste Bundesligagool isch im am 15. Septämber 2012 glunge, won er bi de 2:3-Niderlag gäge de 1. FC Nürnberg de Usglychsträffer für d Gladbacher erzilt het. De Xhaka isch am Aafang vo de Saison Stammspiler gsi, isch denn aber ine Krise cho. Nach ere 0:4-Niderlag im Oktober 2012 gäge Werder Bremen het de Granit Xhaka ufgrund vonere defensivere Spilwys sy Stammplatz verlore. So isch er ab em nünte Spiltag meistens ygwächslet worde. Nach starche Leistige i de Saison 2014/15 isch sy Vertrag bis zum 30. Juni 2019 verlängeret worde. Mit em Trainerwechsel im September 2015 isch er Mannschaftskapitän worde und het i de Saison syni starche Leistige bestätige chönne.[11] Im Summer 2016 het de Xhaka für e kolportierti Ablösesumme vo 45 Millione Euro zum FC Arsenal gwächslet und isch so zum Rekordtransfer vo de Borussia worde. I syne 140 Pflichtspil für Mönchengladbach het er nüünmal troffe.
FC Arsenal
Am 25. Mai 2016 het de Xhaka bim FC Arsenal en Vertrag bis zum 30. Juni 2021 underschribe.[12][13] Sys Premier-League-Debüt het er am 14. August bi de 3:4-Heimniderlag gäge de FC Liverpool gä.[14] Under em Cheftrainer Unai Emery isch er im Septämber 2019 de Mannschaftskapitän vo Arsenal London worde.[15] Scho im Novämber 2019 isch de Xhaka nach eme Zerwürfnis mit de Fans wider als Kapitän abgsetzt worde.[16]
Nationalmannschaft
Für d Schwiizer U-17-Nationalmannschaft het de Granit Xhaka 12 Spil gspilt und zwei Gool gmacht. Sys Debüt het er am 24. Septämber 2008 bim 2:1-Heimsiig im WM-Qualispil gäge Island gä. Mit dere Mannschaft isch er bi de U-17-Wältmeisterschaft 2009 z Nigeria Wältmeister worde.[17][18]
Am 4. Juni 2011 het er im EM-Qualipil gäge Ängland im Wembley-Stadion sys Debüt für die A-Nationalmannschaft vo de Schwiiz gä.[19][20] Im Testspil am 15. November 2011 het er bim 1:0-Usswärtssiig gäge Luxeburg im Josy-Barthel-Stadion sys erste Länderspilgool.[21]
De Xhaka isch bi de WM 2014 z Brasilie im Schwiizer Kader gstande, het det bis zum Usscheide im Achtelfinal gäge Argentinie alli Spil und het i de Vorrundi gäge Frankrych s Gool zum Ändstand vo 2:5 gschosse.
Bi de EM 2016 z Frankrych isch er äbefalls Teil vo de Schwiizer Nati gsy. Det isch er uf sy Brüeder Taulant gstosse, wo für Albanie spilt – bi dem Spil hend zum erste Mal imeneme EM-Spil zwei Brüeder gägenand gspilt. Er isch bi alle vier Partie über di volli Spilduur debygsy. Im Achtelfinal gäge Polen het de Xhaka als einzige Spiler im Penaltyschiesse sy Penalty verschosse. Drum isch d Schwiiz usgschide.
De Xhaka het mit de Nati a de Wältmeisterschaft 2018 teilgnuu. Im zweite Gruppespil gäge Serbie het er de Träffer zum 1:1 gschosse; das Spil hend d Schwiizer mit 2:1 gwunne.[22]
Titel und Erfolge
- FC Basel
- Schwiizer Meister: 2011, 2012
- Schwiizer Cupsieger: 2012
- Uhrencup: 2011
- FC Arsenal
- FA Cup: 2017, 2020
- FA Community Shield: 2017, 2020
- Nationalmannschaft
- U17-Weltmeister: 2009
- U21-Vizeeuropameister: 2011
Uszeichnunge
- «Newcomer des Jahres» i de Super League: 2012
- Ehrenbotschafter vom Kosovo: 2014[23]
- Mitglied der VDV 11: 2014/15
- Schwiizer Fuessballer vom Jahr: 2017
Persönlichs
De Xhaka het im Juli 2017 syni Fründin ghürate.[24]
Weblink
Commons: Granit Xhaka – Sammlig vo Multimediadateie- D Websyte vom Granit Xhaka (Site cha nüme abgrüeft wärde; Suche im Webarchiv)
- Granit Xhaka in dr Datebank vo fussballdaten.de
- Profil bim FC Arsenal
Fuessnote
 | Dä Artikel basiert uff ere fräie Übersetzig vum Artikel „Granit_Xhaka“ vu de dütsche Wikipedia. E Liste vu de Autore un Versione isch do z finde. |