Hammerfall

Hammerfall isch en schwedischi Power-Metal-Bänd. De Bändname chunt usem Lied „Lucifers Hammer“ us de Ziile „The hammer will fall on you” vo de Band Warlord. Es git si sit em Jaar 1993.

Hammerfall
Masters of Rock (2007)
Masters of Rock (2007)
Masters of Rock (2007)
Allgmeini Informatione
GenrePower-, True Metal
Gründig1993
Websitewww.hammerfall.net
Gründungsmitglider
Mikael Stanne
Niklas Sundin
Gitarre
Oscar Dronjak
Jesper Strömblad
Bass
Johan Larsson
Aktuelli Bsetzig
Gesang
Joacim Cans (sit 1996)
Gitarre
Oscar Dronjak (sit 1993)
Gitarre
Pontus Norgren (sit 2008)
Schlagzüüg
Anders Johansson (sit 1999)
Bass
Fredrik Larsson (1994 – 1997, sit 2007)
Ehmaligi Mitglider
Gesang
Mikael Stanne (Gründig - 1996)
Gitarre
Niklas Sundin (Gründig - 1995)
Schlagzüüg
Jesper Strömblad (Gründig - 1997)
Bass
Johan Larsson (Gründig - 1994)
Gitarre
Glenn Ljungström (1995 - 1997)
Schlagzüüg
Patrik Räfling (1997 - 1999)
Bass
Magnus Rosén (1997 - 2007)
Gitarre
Stefan Elmgren (1997-2008)

Bandgschicht

Ursprünglich isch Hammerfall als es Projekt im Jaar 1993 vom Oskar Dronjak und em In-Flames-Gitarrischt Jesper Strömblad gründet worde. Im Jaar 1996 hed Hammerfall amene schwedische Bandwettbewerb, em Rockslaged, teilgno und hed det ide landeswiite Uusscheidig s Halbfinal erreicht. Wärend em Wettbewerb isch de Sänger Mikael Stanne dur de Joacim Cans ersetzt worde.

No im gliche Jaar hends mitem holländische Label Vic Records ires Debüalbum Glory to the Brave uufgno und in Holland veröffentlicht. Afangs 1997 hends en Vertrag mitem dütsche Label Nuclear Blast abgschlosse und ires erste Album europawiit veröffentlicht. Glory to the Brave het z Europa en noie Heavy-Metal-Boom usglöst, nachdem ide 90ger-Jaar de Heavy Metal vo villne als "tot" erchlärt worde isch.

Hammerfall isch de Newcommer vom Jaar 1997 im Metalberich gsi. Sie hend sehr gueti Kritike übercho, iri CD isch hunderttusigfach verchauft worde und isch sogar i de dütsche Charts gsi. Im gliche Jaar isch Hammerfall no dur Europa tourt und isch am Wacken Open Air ufträte.

Im Jaar 1998 hends ires zweite Studioalbum Legacy of Kings usebracht. Sie sind mehrfach für de schwedisch Grammy Awards nominiert worde, aber si henden nie chönne gwüne. Mitem dritte Album Renegade usem Jaar 2000 hends widerum sehr grosse Erfolg gha, si hends sogar ide schwedische Albächarts bis ad Spitze gschafft.

Ihres vierte Album Crimson Thunder hends im Jaar 2002 veröfentlicht. Für das Album isch Hammerfall amene Konzert sogar mit ere goldige Schallplatte uuszeichnet worde. Das Konzert isch ufgno worde und met One Crimson Night als Livealbum und DVD veröffentlicht

Mitti 2003 het Hammerfall wegeme schwere Töffumfall vom Oscar Dronjak alli Aktivitäte bis Afang 2004 müesse unterbräche. I dere Zit het de Joacim Cans sis Soloalbum ufgno. Es isch am 19. April 2004 unter em Name Beyond the Gateserschine.

Afang 2005 isch s foifte Studioalbum unter em Name Chapter V - Unbent, Unbowed, Unbroken erschine. Für di Olympische Winterspiil in Turin hends mit de schwedische Dame-Curling-Mannschaft es Video zum Lied Heats on Fire ufgno.

Am 18. Oktober 2006 isch s Album Threshold erschine, welem d Single Natural High vorus gange isch.

De Bassischt Magnus Rosén hät am 6. März 2007 d Band verlah, will er sich stärker uf sini Näbeprojekt het wele konzentriere. Sin Nachfolger isch de Fredrik Larsson wo bereits 1994 bis 1997 bi Hammerfall Bassischt gsi isch.

Am 12. Oktober 2007 isch s Best-of-Album Steel Meets Steel - Ten Years of Glory erschine.

De Gitarrist Stefan Elmgren hed am 2. April 2008 d Band verloh zum in Zuekunft als Pilot z arbeite. Als Nachfolger isch de Pontus Norgren iigsetzt worde, de hed denn au mit sim Engagement be The Poodles uufghört.

Stil

De Stil vo Hammerfall isch vom Heavy Metal us de 80er Jaar beiflusst worde. Am meischte erkennbar isch de Iifluss vo Helloween. Es git au setigi wo Parallelene zu Judas Priest, Europe, und Accept gsend. Hammerfall het au einigi Stück vo Helloween, Dio und Twisted Sister für Tributealbää covered und uufgnoh. De hütigi Stil vo Hammerfall zeichnet sich vorallem dur iigehendi Melodie und klassischi Harmonie us. De höchi und klari Gsang vom Oscar Dronjak isch debi typisch für Power Metal.

D Text orientiered sich be de erschte foif Albää vor allem am True Metal.

D Band titt ide für Power Metal typische Bechleidig uf, weli vo schwarzem Läder und Metal dominiert isch.

D Produzente hed Hammerfall bisher mehrmals gwächslet, im Momänt sinds bem Charlie Bauerfeind.

Diskografi

Studioalbää

  • 1997: Glory to the Brave
  • 1998: Legacy of Kings
  • 2000: Renegade
  • 2002: Crimson Thunder
  • 2005: Chapter V: Unbent, Unbowed, Unbroken
  • 2006: Threshold
  • 2009: No Sacrifice, No Victory
  • 2011: Infected
  • 2014: (r)Evolution

Livealbää, Kompilationä & Box Sets

  • 2003: One Crimson Night (Live)
  • 2007: Steel Meets Steel - Ten Years Of Glory
  • 2008: Masterpieces (Coveralbum)


Singles & EPs

  • 1997: Glory To The Brave
  • 1998: Heeding The Call
  • 1999: I Want Out (mit em Kai Hansen)
  • 2000: Renegade
  • 2000: Always Will Be
  • 2002: Hearts On Fire
  • 2005: Blood Bound
  • 2006: Natural High

Videos & DVDs

  • 1999: The First Crusade (VHS, DVD)
  • 2002: The Templar Renegade Crusade (VHS, DVD)
  • 2002: Hearts On Fire (DVD)
  • 2003: One Crimson Night (DVD)
  • 2008: Rebels With A Cause - Unruly, Unrestrained, Uninhibited (DVD)
  • 2012: Gates of Dalhalla