Hohenzollernlied

S Hohenzollernlied isch d Hymne vu Hauezollre, eme historische Land uf em Biet vum hitige Bade-Wirttebärg.

S Hohenzollernlied isch syt 1860 verbreitet. D Melodii isch vum franzesische Lied „Ma Normandie“ ibernuu^[1], bi dr Melodii un em Rytmus git s regional unterschidligi Versione.

Dr Verfasser vum Hohenzollernlied isch umstritte. Zum eine wird s eme Soldat vu Hechinge mit Name Konrad Killmeier zuegschribe, wu vu 1858 bis 1861 in eme hohezollerische Füselierregimänt z Saarlouis dient het.^[2]

Zum andere heißt s, s Lied sej anne 1849 dichtet wore vum domolige Oberposchtpraktikante Hermann Vitalowitz (* 1825 z Hechinge), wu Hauezollere dur dr Regierigsverzicht vu dr Firschte vu Hauezollre-Simeringe un Hauezollre-Hechinge an Preuße gfallen isch.^[3]

Im Mittelpunkt vum Lied stoht dr Zoller, e markante Bärg bi Hechinge am Rand vu dr Schwebische Alb, wu wyt sichtbar d Burg Hauezollre stoht.