Offeburger Versammlig 1848

D Offeburger Versammlig 1848 isch am 19. Merz 1848 rund zwoo Wuche noch em Aafang vu dr Merzrewoluzionn z Bade gsii. Si isch wichtig gsii, wel dert, andersch wie bi dr Offeburger Versammlig ai Johr vorhär, vu dr radikale Demokrate Friedrich Hecker un Gustav Struve zum erschte Mol effetli ne Republik gforderet woren isch.

Forderige vu dr Volksversammlig vum 19. Merz 1848 z Offeburg

Am 9. Merz 1848 hän Demokrate vu Mannem „alle badischen Staatsbürger, welche das Recht haben, Wahlmänner zu wählen“, zuen ere Versammlig am 19. Merz uf Offeburg yyglade. Zue dr Iniziatore un Redner hän dr Johann Adam von Itzstein, dr Alexander von Soiron un dr Joseph Fickler vu Konschtanz ghert. D Dailnämer sin nit nume vu Bade gsii, nai, au us em preußische Rhyyland un andere Biet. Di zytgnessisch Präss het vu 25.000 Dailnäme gschribe, e Dail heebe Waffe drait. mer het di boode vorrewoluzionere Barlemäntschammere kritisiert un ine s Verdröue vum Volk abgsproche. Vor allem dr Struve un dr Hecker hän si fir e republikanischi Staatsform blediert.

Fort mit den Fürsten und ihrem Anhang; wir wollen uns selbst regieren, einig und wohlfeil.

Di maischte ibrige Redner un schließli au di ganz Versammlig hän si aber gege ne vorschnä#lli Uusruefig vu dr Republik uusgsproche, wel des e Sach vu dr Nazionalversammlig sei. D Versammlig het aber ne umfangryche Forderigskatelog verabschidet, wu au di landeswyt Bildig „vaterländischer Vereine“ vorgsääne het. Dr Friedrich Hecker isch zum Obmann vum Landesuusschuss vu däne Verain gwehlt wore.

Weblink

 Dä Artikel basiert uff ere fräie Übersetzig vu dere Version vum Artikel „Offenburger_Versammlung_1848“ vu de dütsche Wikipedia. E Liste vu de Autore un Versione isch do z finde.