Radio-Sinfonieorchester Stuttgart

S Radio-Sinfoniiorcheschter Stuegert (RSO) isch eis vu dr Sinfoniiorcheschter vum Südwestrundfunk gsii. Zue dr Spilzyt 2016/17 isch s Orcheschter mit em SWR Sinfoniiorcheschter Bade-Bade un Fryburg zum SWR Symphonieorcheschter fusioniert wore, wu sy Sitz z Stuegert het.

S RSO, wu z Stuegert derheim gsii isch, isch anne 1945 in s Läbe gruefe wore as Orcheschter vum Sänder Radio Stuegert, wu vu dr amerikanische Besatzigsbeherde grindet woren isch, em spetere Siddytsche Rundfunk. Zerscht isch s unter em Name Sinfoniiorcheschter vu Radio Stuegert bekannt wore, ab 1949 derno as Sinfoniiorcheschter vum Siddytsche Rundfunk, ab 1959 as Sidfunk-Sinfoniiorcheschter un schließli ab 1975 unter em Name Radio-Sinfoniiorcheschter Stuegert.

S het e bsundere Ruef gha fir d Uffierig vu zytgnessische Musik, het in syre Gschicht zahlrychi modärni Kompositione urufgfiert un het regelmäßig bi dr Schwetziger Feschtspil mitgwirkt. Unter em Sir Roger Norrington isch s Orcheschter zue eim vu dr wichtigschte Klangkerper in dr Historische Uffierigspraxis wore.

Schefdirigänte

  • Hans Müller-Kray (1948–1969)
  • Sergiu Celibidache (1971–1977)
  • Sir Neville Marriner (1983–1989)
  • Gianluigi Gelmetti (1989–1995)
  • Georges Prêtre (1996–1998), syterhär „Ehredirigänt“ gsi
  • Sir Roger Norrington (1998–2011)
  • Stéphane Denève (2011–2016)

Weblink

Dä Artikel basiert uff ere fräie Übersetzig vum Artikel „Radio-Sinfonieorchester_Stuttgart“ vu de dütsche Wikipedia. E Liste vu de Autore un Versione isch do z finde.