Rosmarie Walter-Fahrer

Über sich sälber hed d Rosmarie Walter-Fahrer gschribe, dass si „Musik, Psychologie und das Blödeln“ gärn het, und dass si dorum e „passionierti Cabaret-Texterin“ isch.^[1] Si isch „Hausautorin“ vo der Bärner Schifertafele, emene vom Hugo Ramseyer gleitete Lehrercabaret,^[2] gsy; iri Liedtegschd si vom Cabaret-Pianischd Rolf Attenhofer u meischdens vor Susi Aeberhard u vom Urs Kräuchi interpretiert worde.^[1] (D Premiere vo de Ballade, Lumpeliedli, Chansons hed am 30. Dezämber 1964 im Theater am Zytglogge schdattgfunge.)^[2] D Rosmarie Fahrer hed ou gsunge.^[3] As Lehrerin hed si über pädagogischi Temene ir Lokalbolitik mitgredt.^[4]

Si isch em Landesring vo de Unabhängige naagschdange,^[5] isch Mitglid ir Gsellschafd Schwiiz-Israel gsy u hed schbäter ofd Läserbriefe i regionale Zytige gschribe.^[6] Wägeme läbeslange Rüggeliide isch si Verteidigerin vor Schdärbehiuforganisazion Exit worde.^[7]

• 3 Chansons: „D Bundesratte“, „I bi verliebt“, „Zimli sicher gstört“. In: Rosmarie Fahrer, Ruedi Krebs, Mani Matter, Hugo Ramseyer, Bernhard Stirnemann und Fritz Widmer: Ballade, Lumpeliedli, Chansons à la bernoise. Benteli, Bärn 1965, S. 7-13. Mit Zeichnige vom Peter Gatzka. 2. Uuflag: 1969.
• „Zwetschgenkonfitüre.“ In: Hebel zu Ehren: Kalendergeschichten-Wettbewerb der Gemeinde Hausen im Wiesental zum 225. Geburtstag von Johann Peter Hebel. Hausen: Gemeindeverwaltung, 1985 und/oder 1987, S. 35-37.
• „Vergissmeinnicht.“ In: Der kleine Bund. Nr. 121 vom 26. Mei 2001, S. 6. Illuschdriert.
• „Unterwegs.“ Gedicht.
• Verschidnigi Artiku in Berner Jugend – Berner Schule: Zeitschrift für die Eltern, herausgegeben von Lehrerschaft und Schuldirektion der Stadt Bern.

• Foti vor Rosmarie Walter-Fahrer im Katalog vor Schwiizer Nationalbibliothek.