Trinidad und Tobago

	Republic of Trinidad and Tobago; Republik Trinidad und Tobago
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: „Together we aspire, together we achieve“; alem. Zsämme düen mer sträbe, zsämme bringe mer s fertig.
Amtsspraach	Änglisch
Hauptstadt	Port-of-Spain
Staatsoberhaupt	Christine Kangaloo
Regierigschef	Keith Rowley
Flächi	5.128 km²
Iiwohnerzahl	1.323.842
Bevölkerigsdichti	258,2 Iiwohner pro km²
Bruttoinlandsprodukt nominal (2007)	20.700 Mio. US$ (90.)
Bruttoinlandsprodukt pro Iiwohner	15.905 US$ (39.)
Human Development Index	0,837 (64.)
Währig	Trinidad-und-Tobago-Dollar
Unabhängigkeit	am 31. August 1962
Nationalhimne	Forged From The Love of Liberty
Zitzone	UTC−4
Kfz-Kennzeiche	TT
Internet-TLD	.tt
Vorwahl	+1 (868) siehe NANP

Trinidad und Tobago (dt. [ˈtrɪnidatˀʊnttoˈbaːgo], ängl. [ˈtɹɪnɪdædəntəˈbeɪgoʊ]) si Insle in de Chliinen Antille und bilde zsämme en Inselstaat mit däm Name. Si lige zwäsche dr Karibik und em Atlantik, nordöstlig vo Venezuela.

Geographii und Meteorologii

D Hauptinsle Trinidad, wo 4.825 km² gross isch und uf em südamerikanische Festlandssockel lit, wird vo drei Gebirgschette durzoge. Au uf Tobago (303 km²) het s e Gebirg und d Insle isch stark bewaldet. Die höchsti Erhebig uf de beiden Insle isch dr Cerro del Aripo (941 m) uf Trinidad. Die grösste Stedt si Chaguanas 77.352 Iiwohner, San Fernando 57.332 Iiwohner, San Juan 56.153 Iiwohner, Port-of-Spain 50.260 Iiwohner und Arima 38.033 Iiwohner.

S Klima isch dropisch. D Rägezit duurt vom Juni bis zum Dezämber, und d Johresniiderschleg chömme uf öbbe 2.000 mm. D Durchschnittstämpratur isch dagsüber öbbe 30 °C – znacht goht si uf öbbe 20 °C aabe.Im Gegesatz zu de meiste Insle in dr Karibik lige Trinidad und Tobago südlig vo dr Hurrikan-Zone.