Vivasvat

De Vivasvat (Sanskrit: विवस्वत्, Vivasvat m. „Uuflüüchte“) isch im Vedismus e Gott gsii, wo im jüngere Hinduismus mitem Sunegott Surya verschmolzen isch. Öber de Manu und de Ikshvaku isch er de Stammvatter vo de Sunedynastii (Suryavamsha). Im Vedismus isch de Vivasvat de Vatter vom Tootegott Yama und vom Urmentsch Manu. Er het em Matarishvan de Uuftraag ggee, s Füür vom Himel zu de Mensche uf d Erd z bringe.

Avesta

Im iranische Avesta isch de Vivanhant de Vatter vom Urkönig Yima. Do litt aso en alti Gmainsamkait vor, wies no anderi zwöschet de iranische und indische Religio git. De Vivanhvat gelt as de ersti Presser vom Haoma.

Büecher

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X