Kudjotya ke Kostyonki

Kudjotya ke Kostyonki tir kalkaf kudjot trasiyin koe Rossia. Evlon gu Jotaf Lekeraporugal ( Gravette Sare, 21 000-23 000 AR tanda ).

Pimtara

Kum kalka is dem conyuta ke keraf ksevaks, is ontinafa gu 10.2 cm-, kudjotya ke Kostyonki bak 1983 koe debak evlon gu Gravette Sare ke Voronej gola vagetalte Rossia zo kosmayar. Tiyir empayana.

Taka tir xowamasa, ton nubeem keve walzaf jivot vox meem nutigis kake sivakaf moueem. Mak vwon ice ladaveem nugiwed. Taka tir gexatiskafa is anamkackafa, dem koton glarpuks obas va tronkayan usukot ok gom.

Ton evodase is riaca, java ke kudjotya ke Kostyonki gu lenteon is geeon yona refema zo nuyunkeyer.

Evlara

Evlara va savsuca wali -21 000 is -23 000 AR tanda uldiner.

Debak ke Kostyonki va mon 150 ar kudjot al bilder.

Ara kudjotya kosmayana koe Kostyonki

1. Kudjotya kum melmakolafa wula	2. Kudjotya kum melmakolafa wula,     ( ontinafa gu 15.3 cm )	3. Kudjotya kum melmakolafa wula,     ( ontinafa gu 8.8 cm- )	4. Kudjotya kum melmakolafa wula     ( lentuf wiks )	4. Kudjotya kum melmakolafa wula     ( ronuf wiks )

Dere rupec

• Lekeraporugalafa kudjotya

Vuestexa

• Hominidés internetxo