Bejhmisch Wattn
Bejhmisch Wattn oder Böhmisch Watten is a Kartenspui für 2 bis 4 Leid. Gspuid werd mit 32 (boarische) Spuikarten wobei jeda 5 Kartn griagt und na bis zu 3 Kartn (bzw. 4 Kartn bei nur 3 Leid) tauschn ko.
Spuiregeln
Jeda Spuia hod zu Anfang 20 Punkte vo dene ma auf 0 (oda drunta) kemma muas.Jeder Stich geld oan Punkt, hod ma koane Stich gmacht, gibts 5e dazua.Bei am Herz-Spui (Herz is Trump-Farb) geltn de Punkte doppet (a afe).
Da Spuia nochm Geba derf nochm mischn a Packl Karten obhelm und de unterste oschaun, wenn de unterste Kartn a kritische is (untn steht mehra dazua), derf aa de g'hoitn.Jeda Spuia griagt 5 Kartn, ausglegt zerst jeweils 3 für olle, dann deckt da Geber oane auf, de wo d'Trumpf-Farb bestimmt. Danoch wern de letzen 2 Kartn ausgem.Soboid jeda 5 Kartn hod derf dareih noch jeder biszu 3 Kartn (bzw. bei blos 3 Spielern 4 Kartn) wegschmeißen und griagt dafia neie. Zudem ko ma für oa Rundn aussteig, allerdings blos 2 moi (oder 3 moi, je nach dem wia gspuid werd) und ned bei da erstn Rundn oda wenn derjenige unta 5 Punkte hod.
De Kritischn Kartn san da Max (Herz Kine), Bell (Schelln Simma) und da Spitz (Oache Simma). Des san de hächstn Karten im Spui.Danoch kemman de Kartn der Trumpf-Farb, welche zu anfang ausglegt worn is (wia om beschiem).Danoch kemman de Kartn vo der Farb der zerst ausglegtn Kartn.Danoch kummt da Rest.