Schaffe

Fia andane Bedeitunga schau: Schaffe (Begriffsklearung).

A Schaffe^[1] oda Schaff^[2] is a runda, oft ovalrunda, wannaoartiga Behejta. Es hod moast zwoa Hengln, koan Deckl und wead noch obm broada.

Moast wean Schaffen ois Wossabehejta vawendd. Friaa hods oba beispuisweis aa Krautschaffen oda Droadschaffen gebm. Brautschaffen worn bsundas schee gmochte Schaffen fiad Aussteia. Dazua san de Schaffen ogmoid worn und/oda mit Brandstempemusta vaziat worn.^[3]

Vom Schaffe hom de Schaffla^[1] (Scheffla), de Fasslbinda, eanan Nama (schaug aa Schaffladanz). Za de Schaffla hod ma friaa aa Schafflmocha gsogt.^[3]

In oidn Zeitn wor es Schaffe aa Transportmittl und a gnormts Maas fia Droad (Schaffe bzw. Scheffel) und andas Schittguat.

Synonyme

Schaffel, Schaffl (kloans Schaff)
Buttn (vua oim vo Winzan vawendt)
Zuaba (friaa fias Waschn und Badn vawendt)

Beispuisotz

Heit regnats wia aus Schaffen.

Obgrenzung

A Fassl is hecha wia broad, hod koane Hengln und is in da Regl vaschlossn.
A Wann wead in da Regl ned trasportiad und hod deswegn aa koane Hengln.

Heraldik-Galerie

Schaffen wean in da Heraldik oft vawendd.

Honkajoki
Bad Hofgastein
Bad Wimsbach-Neydharting

Beleg

[1]

[2]

[3]

Search