Eskudo kan Singapur
An eskudo kan Singapur iyo an heraldikong simbolo na nagrerepresentar sa soberanong islang nasyon asin syudad-estado kan Singapur na namomogtak sa kadagatan kan Sur-subangan na Asya. Inadaptar iyan kaidtong 1959, an taon na makamtan kan Singapur an independensya sa Imperyong Briton, asin nagdanay na ginagamit pagkatapos kan saiyang independensya kaidtong 1965. Tinogdas iyan kan komite, pinamayuhan ni Toh Chin Chye, na iyo an responsable sa nasyunal na bandera asin nasyunal na anthem kan Singapur.
Sa tahaw kan emblem iyo an pulang shield na igwa nin puting crescent na bulan, sarong new moon—nagrerepresentar sa sarong "aking nasyon", asin limang puting bitoon—nagrerepresentar sa demokrasya, katoninongan, progreso, hustisya asin pagkaparantay, pigsuportaran kan leon asin tigre—nagrerepresentar sa katukayo kan Singapur asin an makasaysayan na bugkos sa Malay Peninsula; sa ibaba ninda iyo an asul na laso na may nakasurat na Majulah Singapura na nasa kolor bulawan, tataramon na Malayo para sa "Onward Singapore".
Mantang an paggamit kan eskudo igwa nin restriksyon sa gobyerno, an simbolo piggagamit sa nasyunal na kurhensya asin sa dekorasyon kan estado, asin naglalataw sa kobre kan nasyunal na pasaporte.
Paggamit
_-_20081001.jpg)
Kaidtong 1985, an Monetary Authority of Singapore (MAS) nagpoon na mag-isyu kan saindang ikaduwang serye nin mga barya. Naka-display an eskudo sa obverse side kan mga barya, pigpapalibotan kan mga inskripsyon na kompwesto kan mga ngaran kan Singapur sa mga opisyal na tataramon (Ingles, Chinese, Malay asin Tamil) asin an taon kan minting. Kaidtong 1987, an dolyar na barya luminaog sa sirkulasyon sa patter na ini.[1]
Segun sa MAS, an eskudo naglataw man sa gabos na banknotes kan Singapur poon kan serye na "Orchid" kaidtong 1967.[2] An mga dekorasyon kan estado naglaladawan man kan eskudo kan Singapur sa mga medalyon. Por ehemplo, an mga medalyon kan Darjah Utama Temasek asin an Sijil Kemuliaan naggagamit kan bilog na achievement kan eskudo,[3][4] mantang an Darjah Utama Bakti Cemerlang na medal naka-display an burokil.[5]
