Pagsakyada
An pagsakyada iyo an opensibang militar kan mga combatants ka sarong heopolitikal na entidad, parating dakulang bilang, naglalaog sa teritoryo na kontrolado kan ibang kaagid na entidad, sa pangkagabsan na may obheto kan: pagsakop; pagpatalingkas o pag-establisar giraray kan kontrol o otoridad sa sarong teritoryo; pagpwersa sa pagkabaranga kan nasyon; pagbàgo kan inistabilisar na gobyerno o magganar nin konsesyon gikan sa naunambitan na gobyerno; o sarong kombinasyon kan mga iyan. An pagsakyada pwedeng magin kawsa kan sarong gera, magin parte kan dakulang estratehiya na tapuson an gera, o pwede mag-constitute nin bilog na gera mismo.
Kasaysayan
Archaeological na ebidensya nag-iindikar na an mga pagsakyada nagin madalas na nangyayari poon kan prehistorya. Sa suanoy na panahon, bago an komunikasyon sa radyo asin marikas na transportasyon, an solamenteng paagi para sa military tanganing maasigurar an sapat na reinforcements iyo an pagtangkas sa mga hokbo bilang dakulang pwersa. Ini, huli sa saiyang pinakanaturalesa, naggiya pasiring sa estratehiya kan pagsakyada. Huli sa pagsakyada uminabot an cultural exchanges sa gobyerno, relihiyon, pilosopiya, asin teknolohiya na naghubog sa pagpa-urog kan dakol sa suanoy na kinaban.[1]
Bago an aldaw kan package tours asin cut-price airlines, an mga pagsakyada kan militar igwa nin trabaho bilang estandarteng mayor na porma kan proto-tourism[2] – nagdadara nin darakulang bilang nin mga banyagang bisita pasiring sa mga bàgong kapalibotan, na igwa nin consequential sosyal, kultural asin economic impacts sa indigenous na populasyon asin sa mga parasakyada.
