Perestroika

An Perestroika (/ˌpɛrəˈstrɔɪkə/; Russian: перестройка)^[1] sarong hiron politika nin pagreporma na tuyong gigibohon sa laog nin Partido Komunista nin Unyon Sobyet (CPSU) durante kan kahurihan nin mga 1980 na an siring na hiron konektado ki CPSU sekretaryo heneral Mikhail Gorbachev asin kan saiyang inaapod na glasnost (boot sabihon "silag") na reporma sa polisya. An literal na kahulogan nin perestroika "pagbabagong estruktura", na mapadapit kan pagbabagong estruktura sa politikal asin sistema ekonomika kan Unyon Sobyet, sa paghingowa na mapondo an Panahon nin Pagro'ro'.

An perestroika pigtugot an orog na indendyenteng paghiro asin pag'aksyon kan manlaen-laen na mga ministriya asin pig'introdyusir mga merkadong mga reporma. Alagad, an soboot katuyohan kan perestroika, bako na taposon an ekonomiyang sentralado kundi gibohon an sosyalismo maghiro na mas episyente ngani masabat an mga pangangaipo kan mga syudadanong Sobyet paagi sa pag'adoptar kan mga elemento yaon sa inapod na liberal economics.^[2] An proseso nin pag'implementar nin perestroika nagresulta sa pagdugang logod kan mga eksistidong mga kakulangan, asin nagmukna nin politikal, sosyal, asin ekonomikong tensyon sa laog kan Unyon Sobyet.