Sekswal na estimulasyon
An sekswal estimulasyon iyo an maski arin na stimulus (kabali an bodily contact) na naggigiya pasiring sa, pigpapaurog asin pigmamantenir an pagkapukaw na sekswal, asin posibleng maggiya pasiring sa orgasmo. Minsan ngani an pagkapukaw na sekswal posibleng mangyari na mayong pisikal na estimulasyon, sa pagkamit kan orgasmo parating nangangaipuhan kaiyan.
An terminong sekswal na estimulasyon nangangahulugan nin estimulasyon kan henitalya, alagad posibleng kabali an estimulasyon kan ibang areas kan hawak, estimulasyon kan mga senses (siring kan panhiling o pandangog) asin mental na estimulasyon (e.g., pagbasa o pagpantasya). Maninigong estimulasyon kan putoy o itil parating minaresulta sa sarong orgasmo.[1][2][3][4] An estimulasyon pwedeng sa paagi kan sadiri (e.g., pagsalsal) o kan kadurog (pagkitoan o iba pang sekswal na aktibidad), sa paagi kan paggamit nin mga bagay o kasangkapan, o sa paagi kan mga kombinasyon kan mga paaging naunambitan.[5]
An ibang tawo nagpapraktis nin kontrol sa orgasmo, kun saen an tawo o an saindang partner pigkokontrol an level nin estimulasyon tanganing palawigon an eksperyensya na naggigiya pasiring sa orgasmo.
