Sinagoga

An sinagoga (Hebreo: בית כנסת, bet kneset, "harong nin pagtiripon") iyo an sarong harong-pangadyean Hudyo o sarong kapilyang pigsasagibo an pagsamba asin pagtiripon.^[1][2] Ginuno ini sa tataramon na Griyegong nangangahulugan na "magtipon" o mag-iribahan. Nagtitiripun-tipon an mga Hudyo sa laog kan mga edipisyong ini tanganing sambahon an Diyos asin para magbasa kan Banal na Kasuratan^[2], partikular na kada aldaw kan Sabat.^[1][3] Digdi man ninda pig-aadalan an mga Kasuratan. Ginagamit man ini kan komunidad kan mga Hudyo bilang rona nin pagtukdo o pangangadal sa mga kaakian na Hudyo.^[1][3] Apwera digdi, saro man ining sentro o tahaw kan buhay pansosyedad kan mga Hudyo.^[3] An namamahala kan sinagoga iyo an mapupwedeng mang-imbitar nin siisay man sa mga tawo tanganing mangadal sa sainda.^[2]