Масавае забойства ў Цэтынэ (2022)
12 жніўня 2022 года ў Цэтынэ (Чарнагорыя) адбыўся масавы расстрэл, у выніку якога дзесяць чалавек загінулі і шэсць атрымалі раненні. 34-гадовы стралок Вучка Барылавіч быў пасля застрэлены мясцовым жыхаром[1].
Масавае забойства ў Цэтынэ | |
---|---|
Месца нападу | раён Медавіна, горад Цэтынэ |
Дата | 12 жніўня 2022 15:30 |
Спосаб нападу | расстрэл |
Зброя | паляўнічы карабін |
Загінулыя | 11 (уключаючы стралка) |
Параненыя | 6 |
Колькасць тэрарыстаў | 1 (Вучка Барылавіч) |
Здарэнне ў Цэтынэ стала самым буйным масавым забойствам у гісторыі Чарнагорыі пасля Другой сусветнай вайны[2].
Стралок
Вучка Барылавіч (чарн.: Вучко Бориловић) нарадзіўся 21 лістапада 1988 года ў Цэтынэ, СР Чарнагорыя[3]. Скончыў пачатковую школу ў сваім родным горадзе і сярэднюю школу ў Белградзе[4][5]. Працаваў барменам, захапляўся паляваннем (атрымаў ліцэнзію на паляўнічы карабін[6]), з’яўляўся членам партыі Сацыял-дэмакраты Чарнагорыі. Быў жанаты і меў траіх непаўналетніх дзяцей[7]. Да гэтага інцыдэнту судзімасцяў і якіх-небудзь праблем з законам не было[3][8][9], але мужчына праходзіў лячэнне ў псіхіятрычнай бальніцы[10]. Па словах стрыечнага брата Барылавіча, магчымым падставай для здзяйснення злачынства стала нявыплата арэнднай платы[3].
Здарэнне
Каля 15:30 12 жніўня 2022 года паміж Барылавічам і сям’ёй, якая была субарэндатарамі яго дома ў раёне Медавіна ў Цэтынэ, адбыўся канфлікт[11][12][13]. Барылавіч забіў усё сямейства, у тым ліку дваіх дзяцей[14]. Ён выйшаў на вуліцу і пачаў бязладна страляць у выпадковых людзей[12][15] каля Нацыянальнага музея Чарнагорыі[16].
Пасля прыбыцця паліцыі Барылавіч адмовіўся здацца і ўступіў у перастрэлку з праваахоўнікамі. Адзін з сілавікоў быў паранены. Стралок таксама абстраляў машыну хуткай дапамогі[17]. Пазней Барылавіч пабег да Арлінай скалы[8], дзе застрэлены мясцовым жыхаром[3]. Яго імя не выдавалася[18].
Ахвяры
Першапачаткова паведамлялася, што на месцы здарэння загінулі дванаццаць чалавек[19]. Пазней казался пра адзінаццаць забітых, уключаючы Барылавіча[11]. У доме стралка загінулі 8-гадовы і 11-гадовы хлопчыкі, а іх маці памерла ад ран у бальніцы[11]. Астатнія сем ахвяр былі асобамі, застрэленымі на вуліцы. Яшчэ шэсць чалавек атрымалі раненні[11]. Двое параненых былі адпраўлены ў мясцовую бальніцу[20]. Іншыя чацвёра атрымалі небяспечны для жыцця траўмы і былі накіраваны ў клінічны цэнтр Падгорыцы[12][20].
- Наташа Паёвіч-Марцінавіч, субарэндатар у кватэры, якая належала Барылавічу;
- 11-гадовы сын Наташы;
- 8-гадовы сын Наташы;
- Дзмітрый Дрэкун, сусед, муж Даніэлы Дрэкун;
- Даніэла Дрэкун, суседка, жонка Дзмітрыя Дрэкуна;
- Райка Дрэкун, 56 гадоў, сын Даніэлы і Дзмітрыя Дрекун:
- Мілан Мітравіч, 37 гадоў, сусед;
- Горан Дурышыч, 54 года, дзядзька Барылавіча;
- Аляксандра Радунавіч, 52 гады, суседка, сястра Даніэлы Радунавіч;
- Даніэла Радунавіч, 51 год, суседка, сястра Аляксандры Радунавіч.
Сярод параненых апынуліся[22]:
- Аляксандр Дрэкун, 32 года, унук Даніэлы і Дзмітрыя Дрэкун;
- Славіца Звіцэр, суседка;
- Філіп Дуркавіч, сусед;
- Мілева Рамаданавіч, суседка;
- Дарынка Чэлебіч, суседка;
- Любіша Максімавіч, афіцэр паліцыі.
Рэакцыя
Прэзідэнт Міла Джуканавіч і прэм’ер-міністр Дрытан Абазавіч заявілі, што стральба «з’яўляецца беспрэцэдэнтнай трагедыяй»[16][23][24]. Урад абвясціў трохдзённую жалобу[16][19].
Патрыярх Парфірый і мітрапаліт Чарнагорскі Іаанікій II даслалі свае спачуванні[25]. Свае спачуванні выказалі і многія замежныя лідары, а менавіта прэзідэнт Косава В’ёса Асмані, член Прэзідыума Босніі і Герцагавіны Жэлька Комшыч, прэзідэнт Паўночнай Македоніі Стэва Пендароўскі, прэзідэнт Сербіі Аляксандр Вучыч[26][27][28][29]. Ад імя Еўрапейскага Саюза спачуванні выказалі Жазэп Барэль і Таніна Пікула[30][31].
У сувязі з абвяшчэннем дня жалобы адменены матчы Першай і Другой лігі Чарнагорыі па футболе, а таксама правядзенне іншых спартыўных мерапрыемстваў[32]. Таксама быў адкладзены запланаваны візіт Патрыярха Парфірыя у Херцэг-Нові[33].