Shōnen

Ur manga evit ar baotred yaouank eo ar shōnen manga pe shounen manga (少年漫画) padal eo ar shōjo manga (少女漫画) evit ar merc'hed yaouank.

Shōnen

target audience for manga, manga genre

Iskevrennad eus	Manga (bannoù-treset)
Arvesterien pal	Paotr

An temoù pennañ da heul a ya d'ober o danvez :

• Ar sport (gant c'hoarierien) evel ar vell-droad e Olive ha Tom, ar basket-ball e Slam Dunk, ar baseball e Rookies, ar boks e Hajime no Ippo, an tennis e Priñs an Tennis
• Ar birvilh evel e City Hunter, Fly, One Piece, Cobra
• An emgannioù evel e Ken an dreistvevour, Dragon Ball, Naruto
• An istorioù el liseoù (gant paotred evel haroz) evel e GTO, Racaille Blues
• Ar mechaoù evel e Gundam Wing, Goldorak, Robotech

Frammet-kaer eo ar shōnen mangaoù birvilh pe troioù-kaer :

• Un emzivad eo an haroz (pe emañ o vevañ pell diouzh e dud), klask e dad a zo un tem a zistro ingal ;
• Un den onest da vat ha didamall, hegredik a-walc'h ;
• Dreistgalloudoù dezhañ, strobinellus a-wechoù ;
• Evit lazhañ an droug e stourm gant mignoned bet en em gavet ganto war e hent.

Justis, onestiz, mignoniezh, kalon ha youl a zo perzhioù pennañ a vez e seurt bannoù-treset.

Un nebeud titloù romanteloc'h a vez ivez. Ur paotr fiziañs ennañ hag un toullad merc'hed sot gantañ eo pilpatrom haroz seurt mangaioù evel Love Hina pe I"s. Mangaioù all evel Mitsuru Adachi (Touch pe Rough n'int ket diouzh se tamm ebet avat.