ئاسۆ فەرەیدوون

• لەساڵی ١٩٩٧دا بڕوانامەی بەکالۆریۆسی لە ھەناوی و نەشتەرگەریی گشتی لەکۆلێژی پزیشکیی زانکۆی بەغدا بەدەستھێناوە.
• لەساڵی ٢٠٠٧دا بڕوانامەی MRCGP بەدەستھێناوە لە کۆلیژی شاھانەی بەریتانی بۆ پزیشکی خێزانی.
• لەساڵی ٢٠٠٨دا بڕوانامەی دکتۆرای (MRCP) بەەستھێناوە لە کۆلێژی شاھانەی بەریتانی بۆ نەخۆشییەکانی ھەناو و دڵ.
• لەساڵی ٢٠١٠دا بڕوانامەی دبلۆمی باڵای لەوانەوتنەوەی پزیشکی لەزانکۆی وێستمینستەری لەندەن بەدەستھێناوە.
• لەساڵی ٢٠١٠دا بڕوانامەی دبلۆمی باڵای (DCM) بەدەستھێناوە لە نەخۆشییەکانی ھەناویی بەساڵاچوان.

یەکێتیی نیشتمانیی کوردستان بۆ ھەڵبژاردنی ئەنجومەنی پارێزگای سلێمانی لەساڵی ٢٠١٤دا ئاسۆ فەرەیدوونی وەکو پاڵێوراو بۆ وەرگرتنی پۆستی پارێزگار دیاریکرد و سەرۆکی لیستی یەکێتیی بوو.

ھەڵبژاردنی ٢٠١٤ی ئەنجومەنی پاریزگای سلێمانی لەکاتێکدا بەڕێوەچوو کە کێبڕکییەکی توند لەنێوان یەکێتی و گۆڕان ھەبوو، بەو پێیەی لەدوای دامەزراندنی گۆڕان، یەکەمی پارێزگای سلێمانی لەھەڵبژاردنەکاندا بزووتنەوەی گۆڕان بوو، ھەروەھا گۆڕان ھەڤاڵ ئەبووبەکری وەکو سەرۆکی لیستی گۆڕان بۆ ئەنجومەنی پارێزگای سلێمانی و پاڵێورای وەرگرتنی پۆستی پارێزگار دیاریکرد.

لەئەنجامی ھەڵبژاردنەکەدا، گۆڕان بە بردنەوەی ١٢ کورسی و یەکێتی بە ١١ کورسی، یەکەم و دووەم بوون. پاش ڕێککەوتنی نێوانیان دوو ساڵی سەرەتا بۆ پەکێتی و دوو ساڵی کۆتایی بۆ گۆڕان دەبێت.

لە ١١ی کانوونی یەکەمی ٢٠١٤ لەلایەن ئەنجومەنی پارێزگای سلێمانی وەکو پارێزگاری سلێمانی ھەڵبژێردرا. لە ٧ی کانوونی دووەمی ٢٠١٥دا وەکو پارێزگاری سلێمانی دەست بەکاربوو.

لە ٢٥ی ئابی ٢٠١٦ ئەنجومەنی پارێزگای سلێمانی بەخشینی ئاسۆ فەرەیدوونی لەپۆستی پارێزگار یەسەند کرد.

• ماڵپەڕی فەرمی.
• ماڵپەڕی پارێزگای سلێمانی.
• لاپەڕەی فەرمی ئاسۆ فەرەیدوون لەفەیسبووک.

• دەروازەی ژیاننامە
• دەروازەی سیاسەت
• دەروازەی کوردستان