La Universidá de Birmingham (inglés: University of Birmingham; lat.: Universitas Birminghamiensis) foi fundada'l 24 de marzu de 1900 de la mano de Victoria I del Reinu Xuníu y ye, con 27.000 estudiantes (d'ellos 4.000 estranxeros) la mayor universidá na metropole inglesa Birmingham y tamién una de les más grandes de toa Inglaterra.
La universidá ye miembru del Grupu Russell, del grupu d'universidaes investigadores britániques y, dende 1997, de la rede mundial d'universidaes Universitas 21.
La universidá fundóse'l 23 de febreru de 1875 gracies al industrial de Birmingham Josiah Mason que fundara Mason Science College, lo que supunxo l'empiezu d'educación cimera en Birmingham pa tresformase 25 años más tarde na Universidá de Birmingham. Foi l'apasionáu trabayu de Joseph Chamberlain quien impulsara'l desenvolvimientu de la universidá de forma decisiva.
L'edificiu Aston Webb (nome del arquiteutu) nel Chancellor's Court.
Edgbaston Campus: Campus principal de la universidá nel barriu d'Edgbaston cola famosa torre del reló Joseph Chamberlain y l'aula de la universidá (n'inglés, Great Hall) del arquiteutu Aston Webb.
Selly Oak Campus: Campus que forma parte de la universidá dende 1999 al sur del campus principal con instalaciones teolóxiques y de ciencies sociales.