Venecia[1] (en venecianuVenexia o Venessia, italianu: Venezia) ye una ciudá del noreste d'Italia, na costa del mar Adriáticu, ente les desembocadures de los ríos Po y Piave. Forma parte de la rexón Vénetu, de la que ye capital.
La ciudá tien una superficie de 412 km² y compriende alredor de 12 islles, axuntaes ente sí per aciu de 450 pontes, y que s'estienden per una llaguna pantanosa. La población ye de 250 369 hab. (1 xineru 2023)[2].
Venecia ye famosa polos sos certámenes internacionales como la Muestra de cine o la Bienal de les artes. Estos acontecimientos, a los que convién amestar la celebración del antroxu y un patrimoniu d'una gran riqueza, faen d'esta ciudá ún de los principales destinos turísticos mundiales.
Venecia foi una potencia comercial a partir del sieglu X, disponiendo d'una flota que contaba ente les más importantes d'Europa. Ta considerada por dellos historiadores, como Fernand Braudel la primer capital europea del capitalismu.
.svg)
.svg){kind=small}
