Qabriela Qunçikova

Qabriela Qunçikova
çex. Gabriela Gunčíková
Qabriela Qunçikova 2016-cı ildə
Ümumi məlumatlar
Doğum adı	Qabriela Qunçikova çex. Gabriela Gunčíková
Ləqəbi	Gabriela Gun
Doğum tarixi	27 iyun 1993 (30 yaş)
Doğum yeri	Kromerjij, Çexiya
Vətəndaşlığı	Çexiya
Musiqiçi məlumatları
Fəaliyyəti	müğənni
Fəaliyyət illəri	2011–h.h.
Janr	Pop Rok
Musiqi aləti	vokal
Albom şirkəti	Universal Music Group
gabrielagun.com
Vikianbarda əlaqəli mediafayllar

Qabriela Qunçikova (çex. Gabriela Gunčíková; d. 27 iyun 1993, Kromerjij, Çexiya) — Çexiya müğənnisi. O, çex-slovak telekanalında yayımlanan SuperStar musiqi yarışmasında ikinci yer qazanmış və 2011-ci ildə "Yeni sənətkar" kateqoriyasında Český slavík mükafatına layiq görülmüşdür. Qunçikova "I Stand" mahnısı ilə Çexiyanı 2016 Avroviziya Mahnı Müsabiqəsində təmsil etmişdir.

2011-ci ildə Qabriela Qunçikova çex-slovak telekanalında yayımlanan SuperStar musiqi yarışmasında iştirak etmişdir. Nəticədə yarışmada ikinci yeri qazanan ifaçı Universal Music Group albom şirkəti ilə anlaşma imzalamışdır. Eyni zamanda həmin ildə Qunçikovanın Dvojí tvář adlı debüt albomu işıq üzü görmüşdür. 2011-ci ilin sentyabr ayında o, Slovakiyanın Ulduzlarla rəqs yarışmasında iştirak etmişdir. Qunçikovanı yarışmada peşəkar rəqqas Peter Modrovski müşayiət etmişdir. Cütlük nəticə olaraq yarışmada yeddinci yerdə qərarlaşmışdır. 2011-ci ildə Qunçikova "Yeni sənətkar" kateqoriyasında Český slavík mükafatına layiq görülmüşdür.

2013-cü ildə Qunçikova Amerikalı vokal müəllimi Ken Tamplin ilə işləməyə başlamışdır. Onun ikinci studiya albomu olan Celkem jiná da məhz bu il təqdim olunmuşdur. 2014-cü ildə o, Tamplinin dərslərini bitirdikdən sonra Amerikanın Trans-Siberian Orchestra proqressiv rok qrupuna vokalist olaraq qoşulmuşdur. Lakin növbəti ildə Qunçikova qrupdan ayrılmışdır.

2016-cı ilin mart ayında Çex telekanalı ČT Qabriela Qunçikovanın "I Stand" mahnısı ilə Çexiyanı İsveçin paytaxtı Stokholmda keçirilən 2016 Avroviziya Mahnı Müsabiqəsində təmsil edəcəyini bildirmişdir.^[1]. Qunçikova "I Stand" mahnısı ilə müsabiqənin 10 may tarixində baş tutan birinci yarımfinal mərhələsində 10-cu səhnə almışdır. Nəticədə isə 161 xalla 9-cu yerdə qərarlaşaraq, Çexiyanı Avroviziya tarixində ilk dəfə final mərhələsinə yüksəldə bilmişdir. Finalda bir daha öz mahnısını ifa edən Qunçikova 26 ölkə təmsilçisinin mübarizə apardığı şouda 41 xal toplayaraq, 25-ci yerdə qərarlaşmışdır.

• Dvojí tvář (2011)
• Celkem jiná (2013)

Əvvəlki: Marta Yandova və Vatslav Noid Barta "Hope Never Dies"

Çexiya Avroviziya Mahnı Müsabiqəsində 2016

Sonrakı: Martina Barta "My Turn"