Drammen Norvegiako hiririk handienetarikoa da; Oslo hiriburutik 47 km-ra dago. Hiriaren erdigunea ibar batean dago, Drammenselva eta Drammensfjord ibaiek bat egiten duten lekuan, Drammenselva ibaiaren ertz bietan.
Drammenen portua daukate; batez ere automobilak eta fruta ekartzen dute kanpotik, Norvegia guztian gehien.
Åskollen eta Skogerveien leizeek 6.000-7.000 urte inguru dituzte. Han azaldu dira inguruko gizakiaren lehen arrasto eta aztarnak.
Jatorrian, Drammenen bi itsas portu zeuden: Bragernes portua Drammenselva ibaiaren iparraldera, eta Strømsø eta Tangen hegoaldera. Merkataritzaren ondorioz arrantzako portuak herri txiki bihurtu ziren, merkataritza-hirien menpe. Herriak oso hurbil egon arren, bakoitza hiri bati esleitu zieten: Bragernes Christiania hiriari (gaurko Oslo), eta Strømsø Tønsberg hiriari.
1622. urtean Strømsø eta Bragernes bat egiteko asmoa izan zuten, Frederiksstrøm izeneko merkataritza-hiri gisakoa eginez, baina Frederiko III.a Danimarkakoak ez zuen horrelakorik onartu. Azkenean, 1811. urteko ekainaren 19n batu ziren.