Électricité de France
Électricité de France (EDF) frantses estatuko argindar ekoizle, hornitzaile eta banatzaile bat da. Sozietate anonimo gisa eratua da, haren kapitalaren %80a frantses estatuarena delarik. Estatuko zein Europar Batasuneko argindar ekoizle eta hornitzaile nagusia da eta haren egoitza soziala Parisen da.
Électricité de France | |
---|---|
Datuak | |
Izen laburra | EDF |
Mota | negozioa, enpresa eta kapital irekiko enpresa |
Jarduera sektorea | electric power generation, transmission and distribution (en) eta Q112165525 |
Herrialdea | Frantzia |
Jarduera | |
Kidetza | MEDEE power electronics cluster (en) |
Honen parte | CAC 40 |
Eskumendekoak | EDF Renewables (en) , RTE (en) , British Energy (en) , Transalpina di Energia (en) , EDF Energy (en) , Luminus (en) , Fédération de Recherche PhotoVoltaïque (en) , Laboratoire Sciences de l'Univers au Cerfacs (en) , Groupe de Physique des Matériaux (en) , Laboratoire de Biodiversité et Biotechnologies Microbiennes (en) , Fondation d'entreprise Groupe EDF (en) , Enedis (en) , EDF (United States) (en) , EDF ENR (en) , Les Renardières (en) , Q112131947 , EDF PEI (en) , NUWARD (en) , Q118347002 eta E.D.F. International S.A. (en) |
Ekoizpena | elektrizitate eta gas |
Agintea | |
Zuzendari exekutiboa | Luc Rémont (en) |
Zuzendaritza-taldea | |
Egoitza nagusi | |
Legezko forma | public limited company with a board of directors (n.o.s.) (en) |
Jabea | Frantziar Estatua eta Frantziar Estatua |
Zeren jabe | Areva (en) , Edison (en) , Rance Tidal Power Station (en) , Luminus (en) , RTE (en) , Électricité de Strasbourg (en) , TechnicAtome (en) , Bazacle (en) , Centrale thermique du Havre (en) , Dalkia (en) , EDF Energy (en) , Dalkia Wastenergy (en) , Q3488608 , Enedis (en) , Sloe power plant (en) , Chinon B3 (en) , EDF ENR (en) eta Transalpina di Energia (en) |
Ekonomia | |
Diru-sarrerak | 84.461.000.000 € (2021) |
Irabazi garbia | 5.113.000.000 € (2021) |
Balore-burtsa | Parisko Burtsa |
Historia | |
Sorrera | 1946 |
Sortzailea | Marcel Paul |
Sorlekua | Paris |
Aurrekoak | Compagnie d'Électricité de l'Ouest Parisien (en) |
webgune ofiziala |
2017an, irabazi gehien zituzten munduko argindar konpainien artean 3. postuan kokatzen zen[1], eta 34.28 miliar euroko kapitala zuen 2018an[2].
2022. urtean, Emmanuel Macron presidente neoliberalaren[3] garaietan, EDF sozietatea erabat publiko bihurtzeko asmoa iragarri zen, nazionalizatu egin zen. Urte horretan %84ko jabetza zuen frantses estatuak[4][5] baina estatuak jabetza osoa, %100, eskuratu nahi zuen. Enpresa estatuarentzat oinarri-oinarrizko zerbitzuak eskaintzen zituen, baina finantza arloko kontuek erakusten zuten alde batetik mozkinak deklaratzen bazuten ere, bestetik zor oso handia[6] metatu zutela.[7]
Historia
Électricité de France enpresa publiko gisa sortu zen 1946ko apirilaren 8an[8], alemaniarren okupazioa bukatu eta bi urtera, Frantziako Nazio Biltzarrak argindarraren eta gasaren nazionalizazioaren aldeko 46-628 legea onartu zuelarik aldeko 491 botorekin (PC, SFIO, MRP, Radicaux, UDSR) eta kontrako 59 botorekin (Parti républicain de la liberté, Républicains indépendants eta eskuineko hainbat alderdi)[9]. Lege proiektua Marcel Paul[10] garaiko industria ekoizpenaren ministroak bultzatu zuen, gerla garaian Erresistentziaren Nazio Kontseiluak (frantsesez, Conseil national de la Résistance) egin proposamenetan oinarriturik[11]. Lege honen ondorioz 1450 argindar ekoizle, hornitzaile eta banatzaile entrepresen jabetza nazionalizatu zen[12].
1996tik landa, Europar Batasunetik sektore elektrikoaren liberalizazioa bultzatu zen eta frantses estatuak 2000 eta 2004 artean EDFen estatus juridikoa aldatu zuen, enpresa burtsan kotizatuz[13][14][15]. Gaur egun, EDF sozietate anonimo bat da, nahiz estatuak akzioen %80a atxiki.
Jarduera
EDFk argindarra ekoizten du, energia berriztagarri zein ez berriztagarriak baliatuz, frantses estatuan zein mundu osoan. Batez ere energia nuklearra baliatzen du argindarraren sortzeko (2017 bukaerako datuak)[16]:
- nuklearra: %77;
- hidraulikoa eta beste energia berriztagarriak: %10;
- gasa: %8;
- gasa ez beste termikoak: %5;
2017 bukaeran EDF taldearen instalatutako indarraren banaketa mundu mailan:
- nuklearra: 73 GW
- hidraulikoa eta beste energia berriztagarriak: 30,9 GW
- termikoa: 25,4 GW
- orotara: 129,3 GW
Argindarra ekoizteaz gain hornikuntza lanak ere egiten ditu.