Bera Bera eskubaloia

Bera Bera eskubaloi saila klubeko arrakastasuena da. Bera Bera antzinako Corteblanco Bidebieta taldeko luzadura da. Bidebieta auzoko taldea, 1989an ABF Ligako Ohorezko Mailara igo zen eta hor dirau. 1998an Corteblanco Bidebieta Bera Bera Rugby Taldeko estrukturan sartu zen dirua lortzeko eta izenaz aldatu zuen.

Kirol ibilbideari dagokionez aurreneko emaitza onak Kopan izan zituen, 2006 eta 2009 arteko final guztiak jokatu baitzituen, bi irabazi eta bi galduz. 2012-13an aurreneko Liga irabazi zuen eta beste hiru etorri ziren jarraian. Txapeldunen Ligan ere jokatu zuen eta ligaxkako fasean sartu zen 2013-14 denboraldian.

2016-17 denboraldian ezin izan zuen Liga irabazi baina 2017-18an berriz eskuratu zuen Atlético Guardés-ekin lehia estua izan ondoren, puntutan berdinduta gelditu baitziren. 2019-2020 denboraldian 16. jardunaldi jokaturik zeudela liga bertan behera gelditu zen COVID-19 pandemiaren erruz. Une horretan Bera Bera sailkapen buruan zen 4 punturen aldearekin eta txapeldun izendatua izan zen. Hurrengo bi urteetan ere Liga txapelduna izan zen baina ez zuen Kopa irabazterik lortu.

2022-23 denboraldian Liga sistema aldatu egin zen. Fase erregularra erraz irabazi zuen Bera Berak baina lehenengo 8 sailkatuek play-offak jokatu zituzten eta Elxek final erdietan kanporatu zuen.

2023-24 denboraldia bikain hasi du, Donostian jokatu zen Iberiar Superkopa irabazi baitu.

Babeslearen izenarekin izendatu izan da txapelketa odizialetan. Horrela Corteblanco Bidebieda, Akaba Bera Bera eta Super Amara Bera Bera izenak izan ditu.

• SCRD Bidebieta (1983–1998)
  • Babesleak:
    • Corteblanco (1989–1998)
    • Meyba (1990–91)
• Bera Bera eskubaloia (1998–)
  • Babesleak:
    • Akaba (1999-2010)
    • Super Amara (2016- )

Etxekoa

1990	2016	2017-18	2018-2019	2019 (Europa)
2019-2021	2021-2022	2022-2023

Kanpokoa

2016

2017

2018

2019

2022

Espainiar estatuan

• Espainiako liga (8): 2012-13, 2013-14, 2014-15, 2015-16, 2017-18, 2019-20, 2020-21 eta 2021-22.
• Erreginaren Kopa (7): 2007, 2009, 2013, 2014, 2016, 2019 eta 2023.
• Espainiako Superkopa (8): 2007-08, 2012-13, 2013-14, 2014-15, 2015-16, 2016-17, 2018-19 eta 2022-23.
• Euskadiko Kopa (8): 2009, 2011, 2012, 2014, 2015, 2016, 2017 eta 2019.

Nazioartean

• Iberiar Superkopa:
  • Txapelduna (1): 2023.
• Txapeldunen Liga:
  • Partehartzeak (3): 2012-13, 2013-14, 2016-17
  • Emaitza onena: Ligaxka fasea 2013-14an
• EHF Kopa / European League:
  • Partehartzeak (6): 2017-18, 2018-19, 2019-20, 2020-21, 2021-22, 2022-23
  • Emaitza onena: Ligaxka fasea 2018-19an

• Webgune ofiziala

• Bera Bera Rugby Taldea
• Bera Bera eskubaloiaren ibilbide historikoa