Eider Rodriguez
Eider Rodriguez Martin (Errenteria, Gipuzkoa, 1977ko maiatzaren 18a) euskal idazlea da. Publizitate eta Zinema ikasketak egin zituen. Kazetari lanetan ibili da artikulu ezberdinak argitaratuz, besteak beste, The Balde, Oarsoaldeko Hitza, eta Hitzak eta ideiak aldizkari eta egunkarietan. Editore eta gidoilari lanetan ibili izan zen eta gaur egun irakaslea da Euskal Herriko Unibertsitatean.[1][2]
Eider Rodriguez | |
---|---|
Ahotsa | |
Bizitza | |
Jaiotza | Errenteria, 1977ko maiatzaren 18a (46 urte) |
Herrialdea | Gipuzkoa, Euskal Herria |
Familia | |
Anai-arrebak | ikusi |
Hezkuntza | |
Hizkuntzak | euskara gaztelania |
Jarduerak | |
Jarduerak | idazlea, unibertsitateko irakaslea eta kazetaria |
Lantokia(k) | Euskal Autonomia Erkidegoa |
Enplegatzailea(k) | Euskal Herriko Unibertsitatea |
Jasotako sariak | ikusi |
Bereziki ipuingintzan nabarmendu da, 2004an Eta handik gutxira gaur kaleratu zuen eta ordudanik beste hiru liburu argitaratu ditu: Haragia (2007), Katu jendea (2010) eta Bihotz handiegia (2017).[3] Katu jendea ipuin liburuak XI. Igartza saria irabazi zuen (2008).
2021ean lehen eleberria argitaratu zuen, Eraikuntzarako materiala, Susa argitaletxearen eskutik.
Literatur sorkuntzaz gain itzulpenak egiten ditu eta ipuin liburuak gaztelaniara itzuli ditu: Y poco después ahora (2007), Carne (2008), Un montón de gatos (2012) eta Ortigas: antología de relatos (2013). 2012an EIZIE eta Etxepare Euskal Institutuaren babesarekin[4] Katu jendearen bost itzulpen egin ziren: gaztelania, euskaratik frantsesera, gaztelaniatik frantsesera, nederlanderara eta alemanera.[5]
Komiki gidoigintza lanak ere egin ditu, Xabiroi aldizkarirako istorio laburrak sortuz zenbait marrazkilarirekin lankidetzan. Julen Ribas marrazkilariarekin sortutako Santa Familia komiki albuma argitaratu zuen Ikastolen Elkarteak 2017ko urrian.
2018an bi Euskadi Sari jaso zituen: bata, Euskarazko Literatura kategorian, Bihotz handiegia lanagatik[6], eta bestea, Haur eta Gazte Literaturarenean, Santa Familia lanagatik (Julen Ribasekin sortua)[7].
Idazlanak
Narrazioa
- Eta handik gutxira gaur (2004, Susa)[8]
- Haragia (2007, Susa)[9]
- Katu jendea (2010, Elkar)[10]
- Bihotz handiegia (2017, Susa)[11]
- Eraikuntzarako materiala (2021, Susa)[12]
Itzulpenak
- Dantzaldia, Irène Némirovsky, (2006, Txalaparta)
Haur literatura
- Nikoleta eta gaua, Arrate Rodriguezen marrazkiekin (2008, Elkar)
Saiakera
- Itsasoa da bide bakarra : Joseba Sarrionandiaren lanetako itsas irudien irakurketa proposamen bat (2014, Utriusque Vasconiae)
- Idazleen gorputzak (2019, Susa)[13]
Gutun liburuak
- Eider Rodriguez & Belén Gopegui' (2016, Erein)
Komikiak
- Santa Familia komikia, Julen Ribasen marrazkiekin (2017, Ikastolen Elkartea/Xabiroi)[14]
Albumak
- Oilasko hegalak, Arrate Rodriguezen marrazkiekin (2020, Erein)[15][16]
Sariak
- 2008: XI. Igartza Saria. Katu jendea lanarengatik[17][18]
- 2018: Zilarrezko Euskadi Saria, Bihotz handiegia liburuarekin[19] liburu denden Gipuzkoako Elkarteak ematen duen saria.[20][21][22]
- 2018: Euskadi Saria euskarazko literatura sailean, Bihotz handiegia lanagatik.[23][24]
- 2018: Euskadi Saria haur- eta gazte-literatura sailean, Santa Familia lanarengatik.[25]
- 2021: 111 Akademia saria, Eraikuntzarako materiala lanagatik
Erreferentziak
Bibliografia
- «Euskal narratiba XXI. mendean: emakumeak idazle. Iraitz Urkulo Rodríguez» Oihenart: cuadernos de lengua y literatura, ISSN 1137-4454, Nº. 27, 2012, 201-233 orr..
- «La intimidad, esa bomba» 452 °F: Revista de Teoría de la Literatura y Literatura Comparada, ISSN-e 2013-3294,9. zkia, 2013, 42-55 orr..
- Liburu iruzkinak. Aritz Galarraga: Bihotz handiegia, Eider Rodriguez. Non: Erlea 12 (2018), 86. orld.
- Liburu iruzkinak. Alex Gurrutxaga: Bihotz handiegia, Eider Rodriguez. Non: Erlea 12 (2018), 87. orld.