Joan-Miquèu Dordeins

Baionan jaioa, azken 15 urteetan irakaslea da Bearnon. Lurralde okzitaniar honetako Arganhon herrian bizi da.^[2]

Calams Bearnés literatura-lehiaketan lortu zuen sariak bultzatu zuen idaztera. Batez ere haurrentzat idazten du, ikasle dituenentzat zein calandreta edota eskola publikoko frantses-okzitaniera adar elebidunetan daudenentzat.^[3]

1990eko urriaren 27an Dordeins Nicole Denisekin ezkondu zen Bokaleko Herriko Etxean; gertaera sozial hori okzitanieraren aldeko aldarrikapena ere izan zen, oc ("bai", alegia) esanez ezkondu baitziren nahiz eta hizkuntza horrek inolako ofizialtasunik ez izan.^[4]

2010ean IEOk antolatzen duen gazteentzako literatura lehiaketako bigarren saria eskuratu zuen Lo Pacte lanarekin; horrela liburua IDECO IEOren argitaletxeak argitaratua izateko eskubidea lortu zuen.^[5]

Liburuak

Lau liburu argitaratu dizkiote:

• La Dauna deu Capulet ("Andere kaputxaduna", 2005, Princi Negre Editor)
• L'ahar de la professora d'anglés ("Ingeles irakaslearen afera", 2002)
• Lo Joan-Peish ("Xan-Arraina", 2002, CAPOC)
• Sauvar la Cristal ("Kristala salbatzeko", 2003, IEO^[6])

Ipuinak

País gascons aldizkari bearnotarrean zenbait elelabur argitaratu zaizkio:

• La recèpta deus cocons ("Bixkotxa ttikien errezeta", 2004)
• Gaston Febus (2005)

Biak Escrivans idazle liburuan^[7] (Maiatz-Per Noste, Baiona-Ortheze, 2010; ISBN 2-906241-64-4) irakur daitezke, okzitanierazko jatorrizko bertsioan eta euskarara itzulia.

Hizkuntzaz

• Teach Me hizkuntzak ikasteko Gaskoiniako okzitanierari dagokion liburuaren egilea da Patrick Guilhemjoanekin batera; Per Noste elkarteak argitaratua.^[8]
• Liburu osoez gain okzitanieraren gainean bestelako kolaborazioak ere egin izan ditu, adibidez hiztegigintzaz jaioterriko Baionan argitaratzen den Lapurdum aldizkarian frantsesa-okzitaniera hiztegi baten harira.^[9]

• Calandreta
• Institut d'Estudis Occitans