José Calvário
José Calvário (Porto, 1951 – Oeiras, 2009ko ekainaren 17) Portugalgo musikagile eta orkestra zuzendari ezaguna izan zen. Diktaduraren aurkako jarrera izan zuen. Oso estilo desberdinak landu zituen: jazz, pop...[1]
| José Calvário | |
|---|---|
| Bizitza | |
| Jaiotza | Porto, 1951ko urtarrilaren 8a |
| Herrialdea |  Portugal |
| Lehen hizkuntza | portugesa |
| Heriotza | 2009ko ekainaren 17a (58 urte) |
| Familia | |
| Anai-arrebak | ikusi
|
| Hezkuntza | |
| Hizkuntzak | portugesa |
| Jarduerak | |
| Jarduerak | musikagilea, orkestra zuzendaria, piano-jotzailea eta kantugilea |
| Musika instrumentua | pianoa |
    | |
Biografia
Bost urte zituenetik hasi zen pianoa jotzen. Musikaren haur prodijio bat zen: lehenengo errezitaldia Portoko Orkestra Sinfonikoarekin egin zuen 1961ean, hamar urte besterik ez zituela. Suitzara emigratu zuen Ekonomia ikastera; han jazz orkestra ere egin zuen, gero pop taldea osatzeko. 1971an Portugalera itzuli zen, Lisboan moldatzaile eta musika ekoizle gisa lan egitera. Harrezkero arrakasta ezagutu zuen. Bere garaiko beste musikari eta abeslari batzuek bezala, aktiboki parte hartu zuen diktadurarekin amaitu zuen 1974ko apirilaren 25eko Krabelin Iraultzan. Eurovision Abesti Lehiaketan behin baino gehiagotan hartu zuen parte. 1977an Os Amigos orkestrarekin jo zuen eta 1985ean Adelaide Ferreira abeslariarekin. 2008ko azaroan bihotzekoa izan zuen, eta 2009an hil zen arte koma egoeran bizi izan zen. 58 urte zituen. Hil zenean, Josefa Calvário alarguna eta bi seme-alaba utzi zituen,eta bere lehen ezkontzako alaba bat.[2]
Diskografia
Oso diskografia zabala utzi zuen, asko beste artistekin kolaborazioan. Hona hemen izenburu batzuk:
- Música Nova - (LP, Orfeu, 1971)
- Festival 10 Canções (LP, Orfeu, 1973)
- The Best Disco In Sound (Album Carroussel, 1977)
- What The World Needs Now (Máxi-Single, Orfeu, 1978)
- A Love In Four Seasons (Imavox, 1979)
- Orquestra & Som de José Calvário (LP, Danova,1981)
- Saudades com The London Symphony Orchestra (LP, CBS/SONY, 1985)
- Mapas, Hungarian State Symphony Orchestrarekin (CD, Strauss/CNM, 1996)
- Kiss Me (Jatorrizko Soinu Banda) - (Universal Music, 2004)
Erreferentziak
Kanpo estekak
- (Ingelesez):Diskografia Discogs webgunean.
- (Gaztelaniaz):Biografia eta bideoak.
Datuak: Q942795
