Julio Medem

Julio Medem
	; Irudi gehiago
Bizitza
Jaiotza	Donostia, 1958ko urriaren 21a (65 urte)
Herrialdea	Gipuzkoa, Euskal Herria
Familia
Anai-arrebak	ikusi Ana Médem (en) ;
Hezkuntza
Heziketa	Euskal Herriko Unibertsitatea
Hizkuntzak	gaztelania
Jarduerak
Jarduerak	film-zuzendaria, gidoilaria, film-muntatzailea, zinema ekoizlea eta errealizadorea
Jasotako sariak	ikusi Goya Award for Best New Director (1993) : Behiak; Sutherland Trophy (1993) : Behiak;
	juliomedem.org

Julio Medem Lafont (Donostia, Gipuzkoa, 1958ko urriaren 21a) Euskal Herriko zinema zuzendari bat da. Medikuntza ikasi zuen EHUn, eta horrek ukituak utzi dizkio bere lanetan.

1992an bere lehenengo pelikula estreinatu zuen: Behiak. Ordutik aurrera, arrakasta lortu du mundu osoan bere film luzeekin, berezkoa duen estiloa landuta (La ardilla roja, Tierra, Los amantes del círculo polar eta Lucía y el sexo).

2003an aurkeztu zuen polemika handia ekarriko zion lana, Euskal Herriko egoera sozio-politikoa aztertzen duen Euskal pilota: larrua harriaren kontra film dokumentala.

Azken urteotan biribildu du bere ibilbidea Caótica Ana eta Room in Rome lanekin.

Bizitza

EHUn medikuntza ikasketak egin zituen arren, aspalditik zetorkion zinemarako zaletasuna.

Kritikari aritu zen La Voz de Euskadi eta Cinema 2002 agerkarietan.

1987. urtean, medikuntza alderatuta, zinema profesionalean murgiltzea erabaki zuen. Zuzendari laguntzaile eta muntatzaile bezala aritu ondoren, Michel Gaztanbideren gidoi batan oinarrituta, bere lehen film luzea egin zuen, Vacas (1991), zuzendari berriei ematen zaien Goya saria jaso zuena.

Ondoren zuzendu zituen bi filmek, Tierra (1996) eta La ardilla roja (1993), nazioartean arrakasta handia izan zuten, beren ukitu esperimental eta abangoardistagatik.

Los amantes del círculo polar (1998) filmean amodiozko drama landu zuen.

Sexua du ardatz nagusia Lucía y el sexo bere hurrengo filmak (2000).

Zuzendari ez ezik, bere film gehienen gidoien egilea ere bada, eta beste batzuentzako gidoiak ere idatzi izan ditu, Itziar Bollainen Hola, ¿estás sola? (1995) filmarena, esaterako.

Filmografia

Urtea	Filma
2018	El árbol de la sangre
2015	Ma ma
2010	Room in Rome
2012	7 días en La Habana
2007	Caótica Ana
2003	Euskal pilota: larrua harriaren kontra
2000	Lucía y el sexo
1998	Los amantes del círculo polar
1995	Tierra
1993	La ardilla roja
1992	Behiak
1988	Martín
1987	Las seis en punta
1985	Patas en la cabeza
1981	Si yo fuera un poeta
1977	El jueves pasado

Ikus, gainera

Euskal Herriko zinema

Kanpo loturak

(Gaztelaniaz) Webgune ez ofiziala
Euskadiko Filmategia
Julio Medem: "Eskuindar askorentzat zine espainiarra 'gorri'en zinea da" Elkarrizketa Argia astekarian (2007-07-29)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q365616
Multimedia: Julio Medem / Q365616

Search