Onomasticon Vasconiae

Onomasticon Vasconiae Euskal Herrian jasotako toponimo, antroponimo eta onomastika ikerketen bilduma da. Bildumak 29 bat ale ditu eta urte luzetako hainbat egileren lana da. Bilduma osoa Euskaltzaindiaren webgunean kontsulta daiteke^[1].

Euskaltzaindiaren Onomasticon Vasconiae bilduman Euskal Herriko toponimoak eta antroponimoak jaso dira, bilduma egileen iruzkin filologikoekin. Egileen lana, dokumentu zaharrak arakatzea, tokian tokiko izenak biltzea, izen horiek aztertzea eta forma idatziak finkatzeko proposamenak egitea. Onomasticon Vasconiae bilduman Euskal Herriko Onomastikari buruzko ikerketak argitaratzen dira: jardunaldietako agiriak, herri edota eskualde jakin batzuei buruzko toponimia ikerketak, antroponimiari buruzkoak, etab.