Ramiro Pinilla

idazle espainiarra

Ramiro Pinilla (Bilbo, 1923ko irailaren 13a- Bilbo, 2014ko urriaren 23a) idazle bizkaitarra izan zen, Getxon bizi zena. Gaztelaniaz idatzi zituen bere liburu ugariak, eta 2006an Espainiako Narratiba Sari Nazionala jaso zuen, Las cenizas del hierro lanarengatik.

Ramiro Pinilla

Bizitza
Jaiotzako izen-deiturakRamiro Pinilla García
JaiotzaBilbo1923ko irailaren 13a
Herrialdea Bizkaia, Euskal Herria
HeriotzaGetxo2014ko urriaren 23a (91 urte)
Heriotza moduaberezko heriotza
Hezkuntza
Hizkuntzakgaztelania
Jarduerak
Jarduerakidazlea
Jasotako sariak
Genero artistikoaeleberria

Bizitza

Euskal Herrian gaztelaniaz idatzi duen idazlerik oparoenetako bat izan zen. Bere lehen eleberriak, Las ciegas hormigas (1960) izenburukoak, Nadal Saria eta Espainiako Kritika Saria irabazi zituen. 1971n finalista izan zen Planeta Sarian, Seno lanarekin, baina zirkulu komertzialetatik urruntzea erabakirik, argitaletxe txikietan argitaratu zuen bere obra gehiena, eta irakurle gehienentzat ezkutuko idazlea izan zen urte askoan.

Getxon kokatuta dagoen narrazio- eta eleberri-saila da, beharbada, gehien goraipatu dena: Recuerda, oh, recuerda (1975), La gran guerra de doña Toda (1978), Andanzas de Txiki Baskardo (1979), Quince años (1990) eta Huesos (1997). 2005ean burutu zuen bere bizitzako lanik handinahiena: Verdes valles, colinas rojas trilogia (La tierra convulsa, Los cuerpos desnudos eta Las cenizas del hierro liburuek osatua). Euskal gatazkaren sorburu politikoak eta moralak aztertzen dituen lan horrek Euskadi Saria jaso zuen 2005ean, eta Kritika Saria eta Narratiba Sari Nazionala 2006an. 2013an bigarren aldiz irabazi zuen Euskadi Saria Aquella edad inolvidable lanarekin.

2014ko urriaren 23an hil zen 91 urterekin.[1]

Bibliografia

  • 1960 Las ciegas hormigas
  • 1961 El héroe del Tonkin
  • 1969 En el tiempo de los tallos verdes
  • 1972 Seno
  • 1975 El salto
  • 1975 Guía secreta de Bizkaia
  • 1975 Recuerda, oh, recuerda
  • 1977 Antonio B., el Rojo, ciudadano de tercera
  • 1977 Primeras historias de la guerra interminable
  • 1978 La gran guerra de doña Toda
  • 1979 Andanzas de Txiki Baskardo
  • 1990 Quince años
  • 1997 Huesos
  • 1998 La estación de Getxo
  • 2005 Verdes valles, colinas rojas, hiru liburu hauek osatutako trilogia:
    • La tierra convulsa.
    • Los cuerpos desnudos.
    • Las cenizas del hierro.
  • 2006 La Higuera
  • 2007 Antonio B. el ruso
  • 2009 Solo un muerto más
  • 2011 Los cuentos
  • 2012 Aquella edad inolvidable
  • 2013 El cementerio vacío
  • 2014 Cadáveres en la playa

Pinillari buruzko bibliografia

  • Mercedes Acillona (koord.): Ramiro Pinilla: el mundo entero se llama Arrigunaga. Deustuko Unibertsitatea, 2015. 252 or. ISBN 978-84-15759-71-3.

Ikus, gainera

Erreferentziak

Kanpo-loturak