Rosa Valverde
Rosa Valverde Lamsfus (Donostia, 1953ko otsailaren 14a - Azkaine, 2015eko otsailaren 14a[1]) gipuzkoar margolaria izan zen. Aita Antonio Valverde (Ayalde ezizenez) errenteriar margolari ezaguna zen. Antton Valverde musikariaren arreba eta Lola Valverde historialariaren ahizpa zen.
| Rosa Valverde | |
|---|---|
| Bizitza | |
| Jaiotzako izen-deiturak | Rosa Valverde Lamsfus |
| Jaiotza | Donostia, 1953ko otsailaren 14a |
| Herrialdea |  Gipuzkoa, Euskal Herria |
| Heriotza | Azkaine, 2015eko otsailaren 14a (62 urte) |
| Familia | |
| Aita | Antonio Valverde |
| Anai-arrebak | |
| Hezkuntza | |
| Hizkuntzak | gaztelania |
| Jarduerak | |
| Jarduerak | margolaria eta eskultorea |
Biografia
Haurtzaroa Donostia eta Oiartzunen artean eman zuen. Jose Antonio Sistiaga eta Esther Ferrerren margolarien tailerrean ibili zen ikasten.
Grabatuaren eta estanpazioaren inguruko ikasketak egin zituen Florentzian. Hirurogeita hamargarren hamarkadan, abangoardiako artistekin lotura izan zuen, batez ere Vicente Ameztoirekin eta Jose Llanosekin, Gipuzkoako abangoardiako margolariak.
Ondorengo urteetan arte irakasle gisa aritu zen Donostian eta Baionan. Horrekin batera, irakaskuntza jardueraz gain, margoak, marrazkiak, grabatuak eta ilustrazioak jorratu ditu, baita, kutxak eta objektuak, besteak beste.
Lanak
Bere lanetan osagai naif, surrealista eta psikodelikoak topatu dituzte.[2] Jarraian haren zenbait artelan:
- Monja castigada por un poste eléctrico, 1977
- El día, 1979
- La nit, 1979
Erakusketak
- 1978an bakarkako bere lehen erakusketa egin zuen Rosa Valverdek San Telmo Museoan
- 2022an Rosaren arte kaxei eskainitako lehenbiziko monografikoa antolatu zuten San Telmo Museoan.[3]
- 2022an Donostiako Ekain arte galerian, Rosaren obrak zabaldu nahi izan zituen bere familiak.[4]
Erreferentziak
Kanpo loturak
- Rosa Valverde Lamsfus Auñamendi Eusko Entziklopedia. Euskomedia.org
Datuak: Q12266675
