Euskal Autonomia Erkidegoko hiriburua Gasteiz (Araba) da bertan aurkitzen baitira Eusko Jaurlaritzaren eta Eusko Legebiltzarreraren egoitzak eta Euskal Autonomia Erkidegoko lehendakiaren bizilekua, Ajuriaenea izena duena.

Euskal Autonomia Erkidiegoan bi hizkuntza ofizial daude: euskara eta gaztelania. Euskara da Euskal Herriko jatorrizko hizkuntza eta Europako hizkuntza zaharrenetarikoa da.

Euskal Autonomia Erkidegoa hiru lurralde historikok osatzen dute: Bizkaiak, Gipuzkoak eta Arabak. Euskadi 251 udalerrik osatzen dute, horietatik 112 Bizkaian aurkitzen dira, 88 Gipuzkoan eta 51 Araban.

Euskal Autonomia Erkidegoan honako ikur hauek aurki daitezke:

Ikurriña

Euskal Autonomia Erkidegoko eta Euskal Herriko bandera ofizala Ikurriña da.

Besteak

Gernikako arbola Gernikako (Bizkaia) Batzar Etxearen aurrean kokatuta dagoen haritza da eta euskaldunen askatasuna irudikatzen du.

Osasuna

Euskal Autonomia Erkidegoak duen osasun sistema Osakidetza - Euskal Osasun Zerbitzuak eta Eusko Jaurlaritzako Osasun Sailak osatzen dute. Osakidetza Euskal Autonomia Erkidegoko osasun zerbitzu publikoa da.

Segurtasuna

Euskal Autonomia Erkidegoan Guardia Zibilen eta Espainiako Polizia Nazionalen presentzia izateaz gain, bertoko polizia autonomikoa ere aurkitzen da, Ertzaintza.

Garraioa

Portuak

Euskal Autonomia Erkidegoko porturik garrantzitsuenak Bilboko eta Pasaiako portuak dira.

Aireportuak

Lurralde historiko bakoitzean aireportu bat dago:

- Bilbo-Loiu

- Gasteiz-Foronda

- Donostia-Hondarribia.

Trenbide garraioa

EAEn honako bost enpresa hauek kudeatzen dute: Renfe Operadora eta ADIF, EuskoTren, Metro Bilbao, EuskoTran eta FEVE.