Willyrex
Guillermo Díaz Ibáñez edo Willyrex ezizenez (Madril, Espainia, 1993ko maiatzaren 9a) youtuber espainiarra da. Bi kanal ditu YouTuben, Willyrex eta TheWillyrex, eta bigarrenak 2018ko datuen arabera 18 milioi harpidedun eta 6.400 milioi ikustaldi ditu. Espainiako seigarren kanala da harpidedun kopuruan[1] eta munduko 230.a[2].
| Willyrex | |
|---|---|
| Bizitza | |
| Jaiotzako izen-deiturak | Guillermo Díaz Ibáñez |
| Jaiotza | Madril, 1993ko maiatzaren 9a (30 urte) |
| Herrialdea |  Espainia |
| Bizilekua | Andorra |
| Hezkuntza | |
| Hizkuntzak | gaztelania |
| Jarduerak | |
| Jarduerak | youtuberra, streamerra eta Minecraft YouTuber (en)  |
| Jasotako sariak | ikusi
|
| Izengoitia(k) | Willyrex |
| Genero artistikoa | gameplaya umorea |
       | |
Bizitza
Hamaika urte zituela sortu zuen Willyrex izena, kanala sortu baino lehenago hain zuzen ere. Willy Guillermo izenaren ohiko ezizena, ingelesezko William izenetik dator, eta rex latinezko hitza da, "erregea" esan nahi duena[3].
Enpresa Administraritza ikasketak egiten hasi zen baina bertan behera utzi zituen YouTuberi denbora guztia eskaintzeko. YouTubeko kanala lagunekin jokoak elkarbanatzeko sortu zuela esaten du[3]. 2014an Los Angelesera joan zen bizitzera. 2016 hasieran Andorrara[4][5].
2019ko abuztuaren 21ean Cristina bikotearekin ezkonduko zela iragarri zuen[6] eta 2021eko urtarrilaren 12an jaio zen beraien alaba María[7].
Liburuak
Vegetta777 youtuberrarekin batera Wigetta izeneko bideojokoen liburu saila argitaratu du[8].
Jokoak
KarmaRun izeneko mugikorretarako jokoa sortu zuen Vegetta777 eta bysTaXx youtuberrekin elkarlanean. Dagoeneko bi milioi deskarga baino gehiago izan ditu[9].
