Sambindingarorð

Sambindingarorð (á latíni: coniunctio; á enskum: conjunction) eru smáorð, sum binda saman einstøk orð, setningsliðir og heilar setningar.^[1][2][3]

Á føroyskum verða tvey sløg av sambindingarorðum nýtt:

• Javnskipandi sambindingarorð (coordinating conjunction á enskum^[4])

Orð av hesum slagi eru t.d.: og, bæði-og, ella, hvørki-ella, annaðhvørt-ella, men.

• Undirskipandi (ella innskipandi) sambindingarorð (subordinating conjunction á enskum^[5])

Orð av hesum slagi eru t.d.: at, tí at, av tí at, tá ið, til, fyrr enn, so, so at, um, sum, hóast, har ið, uttan.

Vanligastu sambindingarorðini á føroyskum eru og, at og sum.

Sambindingarorð bendast ikki.