Eachtra imirceach Essex (2019)
Fuarthas 39 duine marbh i leoraí i nGrays, Essex ar an 23 Deireadh Fómhair 2019. 31 fear agus ochtar ban as Vítneam, imircigh go léir, a bhí sa leoraí.[1] I measc na mban agus na bhfear, bhí 10 déagóir, san áireamh beirt bhuachaillí 15 mbliana d'aois.[2]
| ||||
| ||||
| Cineál | tubaiste conspóid fionnachtain de corpán  | |||
|---|---|---|---|---|
| Dáta na bliana | 23 Deireadh Fómhair 2019 | |||
| Suíomh | Grays, England | |||
| Tír | an Ríocht Aontaithe | |||
| Líon básanna | 39 | |||
.jpg)
Na himeachtaí
As Éirinn a tháinig an leoraí féin trí chalafort Caergybi [Holyhead]. Tháinig tiománaí an leoraí, Mo Robinson, fear 25 bliain d’aois, as Port an Dúnáin i gcontae Ard Mhacha.[1]
Tháinig tréiléar an leoraí i dtír ar abhainn an Thames in Purfleet agus anall as Zeebrugge na Beilge.
Bailíodh an tréiléar in Purfleet. D’fhág an leoraí agus an tréiléar cuisnithe ina raibh na daoine Purfleet ag cúig tar éis a haon maidin inné, 25 nóiméad nó mar sin sular thángthas ar na coirp in Waterglade Industrial Park i nGrays, Essex. Tháinig na seirbhísí otharchairr ar na coirp sa leoraí i bpáirc tionsclaíochta ag leathuair tar éis a haon san oíche.[1][3]
Bhí an leoraí cláraithe sa Bhulgáir (cé nach raibh sé sa tír sin le roinnt blianta anuas) agus gur le bean as Éirinn é. Bhí greamán mór ar fhuinneog thosaigh an leoraí, ar de dhéanamh Scania é, a deir ‘Ireland, the ultimate dream’.[4]
Easpa ocsaigíne ba chúis le bás na n-imirceach. Dúradh go mba brioscaí a bhí á n-iompar ag an leoraí.
Cúrsaí airgeadais
Bhí suas le €15,000 an duine íoctha ag na himircigh le lucht na comcheilge.
Bhí muntir na n-imirceach i Vítneam fós ag aisíoc a gcuid fiacha sa bhliain 2021.
Fiosrúchán dúnmharaithe
Cuirtear i leith roinnt fear a bheith páirteach i smuigleáil daoine. Ar 22 Eanáir 2021, phléadáil Maurice (Mo) Robinson, tiománaí an leoraí, as Craigavon, agus a shaoiste Rónán Hughes, 41 bliain, as Ard Mhacha agus as Tigh Thaláin[5] i gContae Mhuineacháin, ciontach i ngáinneáil ar dhaoine, i sciúradh airgid agus i ndúnorgain. Gearradh téarma príosúin trí bliana déag agus ceithre mhí ar Robinson agus téarma 20 bliain ar Hughes.[6]
Ciontaíodh Éamonn Harrison, 24 bliain, as Co an Dúin, agus Gheorghe Nica, 43 bliain, as Basildon, Essex, sna cúisimh chéanna. Téarma príosúin ocht mbliana déag a gearradh ar Harrison agus 27 bliain ar Nica, arbh é ceann feadhna na buíne comhcheilge é.
Ba é Harrison a thug an leantóir go calafort Zeebrugge sa Bheilg sular seoladh ar aghaidh go Sasana ar bhád farantóireachta é. Eiseachadadh é in Eanáir 2020.[7]
Féach freisin
- Ar 18 Meitheamh 2000, thángthas ar 58 duine as an tSín marbh in aonad leoraí in Dover in Kent sa bhliain 2000[8]
- Géarchéim imirceach na hEorpa