Recife

Recife é a capital do estado de Pernambuco e está situada no litoral brasileiro. Tiña unha poboación de 1.422.905 habitantes segundo o censo de 2000.

Modelo:Xeografía políticaRecife
Imaxe

HimnoHino do município de Recife (pt) Traducir Editar o valor em Wikidata

Localización
lang=gl Editar o valor em Wikidata Mapa
 8°03′14″S 34°52′51″O / -8.0539, -34.880834°52′51″O / -8.0539, -34.8808
EstadoBrasil
Unidades da federaciónPernambuco Editar o valor em Wikidata
Capital de
Poboación
Poboación1.488.920 (2022) Editar o valor em Wikidata (6.803,6 hab./km²)
Xeografía
Superficie218,843 km² Editar o valor em Wikidata
Bañado porOcéano Atlántico, Rio Beberibe (pt) Traducir, Rio Capibaribe (pt) Traducir, Rio Tejipió (pt) Traducir, Rio Jaboatão (pt) Traducir e Rio Pirapama (pt) Traducir Editar o valor em Wikidata
Altitude10 m-4 m Editar o valor em Wikidata
Comparte fronteira con
Datos históricos
Creación1537 Editar o valor em Wikidata
Evento clave
14 de febreiro de 1630Siege of Recife (en) Traducir
1654Recapture of Recife (en) Traducir Editar o valor em Wikidata
Organización política
Órgano executivoprefeitura municipal de Recife (pt) Traducir Editar o valor em Wikidata
• Prefeito (pt) Traducir Editar o valor em WikidataJoão Henrique Campos (pt) Traducir (2021–2024) Editar o valor em Wikidata
Órgano lexislativoCâmara Municipal do Recife (pt) Traducir Circunscrición: 39, (Escano: 39) Editar o valor em Wikidata
Identificador descritivo
Código postal50000-000 Editar o valor em Wikidata
Fuso horario
Prefixo telefónico81 Editar o valor em Wikidata
Código de concello do Brasil2611606 Editar o valor em Wikidata
Outro
Irmandado con

Sitio webprefeituradorecife.com.br Editar o valor em Wikidata
Twitter: prefrecife Instagram: prefeiturarecife Editar o valor em Wikidata
Predios do Centro da cidade do Recife.

Historia

Artigo principal: Historia urbana do Recife.
Vista de Maurícia (Recife), baixo o dominio neerlandés. Imaxe baseada en deseño de Franz Post, de 1645.

Recife foi fundada polos portugueses en 1537 e ocupada polos neerlandeses en 1630. Naquela época, Portugal, e así tamén o Brasil, estaban baixo o dominio de España, da cal Holanda era inimiga. Despois da restauración da coroa portuguesa, os holandeses permaneceran no Recife, e só foron expulsos totalmente no 1654. No período holandés, Recife coñeceu alguna tolerancia relixiosa (pois os holandeses, de relixión protestante, tiñan que convivir cos portugueses católicos, e precisaban da axuda dos comerciantes portugueses, moitos deles xudeus). Desta época data a primeira sinagoga das Américas, situada hoxe no barrio do Recife Antigo.

Menos de 60 anos despois do retorno ó dominio portugués, Recife coñecería outra guerra: a chamada Guerra dos Mascates (1710 - 1712), entre señores de terras de produción de cana de azucre de Olinda e os comerciantes portugueses do Recife. Cando a administración de Recife foi emancipada de Olinda, os señores de terras non aceptaron e atacaron a cidade. A guerra terminou coa intervención de tropas portuguesas, a cal resultou na vitoria dos recifenses, pero o sentimento antilusitano instalouse na vila de Pernambuco.

No século XIX a cidade foi escenario doutras tres revoltas en menos de 50 anos, todas de carácter liberal ou republicano: a Revolta de 1817, a Confederación do Ecuador en 1824 e a Revolución Praieira de 1848 a 1850. Tamén no século XIX a cidade creou a súa Facultade de Dereito, unha das primeiras instaladas no Brasil, a cal aumentou o seu prestixio e incentivou as actividades de intelectuais.

Clima

Recife ten un clima tropical con alta humidade relativa do ar. A súa temperatura varía pouco durante o ano pola súa proximidade ao mar. Xaneiro é o mes máis quente, co temperaturas máximas de 30 °C e mínimas de 25 °C e sol intenso. Xullo é o mes máis frío, con temperaturas máximas de 27 °C e mínimas de 22 °C e moita chuvia.

Economía

Vista de Recife, co seu barrio antigo (á esquerda) e a parte moderna.

As súas actividades económicas principais son o seu diversificado comercio e os servizos (incluíndose actividades ligadas ó lecer, adminstración pública e turismo). O seu antigo porto hoxe é pouco usado, sendo máis importante economicamente o porto de Suape, situado a 40 km ao sur. Hai algunhas industrias no territorio do municipio, pero a maioría das fábricas sitúanse en cidades veciñas.

Rúa de Recife Antigo.

Lugares salientables son a praia de Boa Viagem, o barrio do Recife Antigo e as súas construcións, as súas igrexas e fortes antigos (como o Forte Cinco Pontas e a Fortaleza do Brum) e a feira de Artesanato na Casa de Cultura (onde antes funcionaba un presidio, dende o que se pode mirar, na outra marxe do río Capibaribe, a Rúa da Aurora e as súas casas antigas. Próxima do Recife está a cidade de Olinda, cuxa parte antiga é considerada Patrimonio Cultural da Humanidade pola UNESCO.

Carnaval no Recife.

Non se pode tamén esquecer o seu Carnaval, que non ten no samba a súa música, pero si o frevo, un ritmo rexional de Pernambuco.

Como opcións de hospedaxe hai diversos hoteis de alto padrón de redes internacionais, e outros máis antigos ou máis simples. O seu aeroporto recibe voos dende Europa (principalmente de Portugal). Recife é tamén punto de partida para visitar cidades lindeiras, como Itamaracá, Olinda, Jaboatão dos Guararapes e o distrito de Porto de Galinhas, na cidade de Ipojuca.

Cultura

Instituto Ricardo Brennand.

O Recife é berce de escritores, poetas, músicos e varios artistas de moitas formas de expresión. Manuel Bandeira, João Cabral de Melo Neto e Carlos Pena Filho son nomes da poesía do Brasil que retrataron o Recife nas súas obras. Alén da poesía, no municipio naceron nomes como Nélson Rodrigues e Gilberto Freyre na literatura, Lenine, Antônio Nóbrega, Robertinho do Recife e Reginaldo Rossi na música, Francisco Brennand, Vicente do Rego Monteiro e Lauro Villares nas artes plásticas, entre outros.

Parque das Esculturas de Francisco Brennand

O municipio posúe varios museos, centros culturais e institucións que promoven as creacións artísticas e culturais tales como a centenaria Academia Pernambucana de Letras, Academia de Artes e Letras de Pernambuco e o Instituto Ricardo Brennand, un dos máis importantes museos do Brasil que abriga unha importante colección de gravadas e outras obras de arte do século XVII sobre o Brasil.

As manifestacións culturais máis relevantes de Pernambuco ocorren na capital, resaltando o Movimento de Escritores Independentes de Pernambuco que na década de 1980 reuniu gran número de poetas. O Abril Pro Rock, onde naceu o movemento Manguebit, revelador nacional de bandas como Nação Zumbi e Mundo Livre S/A.

Interior do Teatro de Santa Isabel.

O frevo naceu no municipio hai máis de cen anos e durante o Carnaval do Recife é o ritmo musical máis común con bloques como o Galo da Madrugada.

Entre os museos destaca o Museo do Estado de Pernambuco que garda acervo histórico sobre o estado e a cidade, o Museo da Cidade do Recife que instalado no Forte das Cinco Pontas conta boa parte da historia do Recife e o Museo da Abolición que foi creado no 1957 polo goberno federal para contar a historia dos escravos no Brasil e a abolición.

O Teatro Santa Isabel é o principal teatro do Recife, formando un importante conxunto arquitectónico e paisaxístico na Praza da República, canda o Palacio do Campo das Princesas, Palacio da Xustiza e o Liceo de Pernambuco.

Os principais atractivos turísticos da capital pernambucana son as súas tres praias: Boa Viagem (Boa Viaxe), Pina e Brasília Teimosa.

Deportes

Estadio do Arruda no Recife.

O deporte máis popular do lugar é o fútbol. O Campeonato Pernambucano de Futebol dispútase desde 1915, tendo como campión sempre un equipo da capital. Os principais equipos son o Sport Club do Recife, o que máis títulos ten (40), o Clube Náutico Capibaribe, o que máis veces consecutivas gañou (hexacampión), e o Santa Cruz Futebol Clube. O municipio foi a única subsede nordestina na Copa do Mundo FIFA de 1950, e será unha das sedes da Copa do Mundo de 2014 [1].

Notas

Véxase tamén