Polopalo
Polopalo yito pilãkasi tuwawu u hedungohela tingohiyo, pilohutu lonto talila mohengu haya'iyo duulo lango, yilaluta odelo tunggilo huwayo wawu o huwanga kiki'o to bungoliyo.[1][2]
Etimologi
Polopalo lonto asali lo tahe polo-polopaliyo, de'uwito yito tingohe u lumuwalayi wonu polopalo botiye hepomubohe to hu'u lo ta hemopotingohu.[3]
Ilowwali
Polopalo botiya ma woluwo to lipu lo Hulontalo to'u masa muloolo mayi wawu didu otawa lo timu'ata to taawunu ngoolo. Polopalo biasa hepoyitohu tawu odelo to wakutu lapato sembo lo ileengi meyambo lapato sembo lo pangimba.[4][5]Tawu daata moti'ambu wonu huyi mopoyilaboto lo tingohu polopalo to panggung molanggato. Bohuliyo tawu duulota sambe limolota hepongoko'a polopalo pe'eenta. Lapatiyo ma'o timongoliyo hipongoko'a tutuwawu tutuuntunga wawu hedungohe lo ta molantu tingohu to'u molamingo odelo ngokilo meyambo duulokilo lamingiyo.[6]To'u maa yilapato timongoliyo longoko'o polopalo, ta hipodungohe tingohu to'u molamingo ma mongohi mayi isarati lo tinelo senter. Wonu ta lo'ohama ta oluwoliyo, tinelo senter mopola'i-la'itayi po'ooluwo. Wonu ta lo'ohama ta otoluliyo tinelo senter mopo'inta-intamayi po'otolu, odito olo wonu ta lo'ohama ta opatiyo meyambo ta olimoliyo.Wonu ta lo'ohama ta longoko'a bungaiyo yii tinelo senter ma timinelayi lo'ulayito diilata mopopate-pate meyalo maa lommantangayi didutaa mopobunto-bunto.To tãwunu 2013, polopalo ma ciletakiliyo to porangko u hedembingola to tuladu wonu ito molawo tuladu monto kantori pos.[7]